7 shildede Rybakına alǵash ret Ýımbldon týrnıriniń fınalyna shyqty
Memleket basshysynyń Jarlyǵymen sporttaǵy asa úzdik jetistikteri jáne halyqaralyq yntymaqtastyqty damytýǵa qosqan úlesi úshin Qazaqstan Respýblıkasy Mádenıet jáne sport mınıstrliginiń «Sportty damytý dıreksıasy» RMQK sportshy-nusqaýshysy Elena Andreevna Rybakına İİ dárejeli «Dostyq» ordenimen marapattaldy, dep habarlaıdy Almaty-akshamy.kz BORT №1 Telegram kanalyna silteme jasap.
Aıta ketsek, 7 shilde kúni Elena Rybakına alǵash ret Ýımbldon týrnıriniń fınalyna shyqty. Osy jeńisimen sportshyny Memleket basshysy Qasym-Jomart Toqaev quttyqtady. E.Rybakına jeńis úshin bar kúshin salǵanyn aıtyp, aǵynan jaryldy. Býkmekerler Ýımbldon fınalynda Elena Rybakınanyń qarsylasyn favorıt dep tanyǵan bolatyn. Soǵan qaramastan ol Ýımbldon týrnıriniń chempıony atandy. Qazaqstan Prezıdenti Rybakınany tarıhı jeńisimen quttyqtady. Sondaı-aq E. Rybakına Qazaqstan tenıs Federasıasynyń syıaqysyn alýdan bas tartty. Muny daryndy sportshy qarjyny qaıyrymdylyqqa, Qazaqstannyń jas sportshylaryn qoldaýǵa jumsaǵysy keletinimen túsindirdi.