Zeıindi oıyn
25-31 jeltoqsan aralyǵynda Nur-Sultan qalasynda jyldam shahmattan (rapıd pen blısten) Álem chempıonaty (FIDE World Rapid and Blitz Championships 2021) ótedi, dep habarlaıdy Almaty-akshamy.kz Rrosports.kz-ke silteme jasap
Bul týraly Mádenıet jáne sport mınıstrliginiń baspasóz qyzmeti habarlady.
Atalǵan jarys shahmattan bıylǵy kúntizbedegi aıtýly oqıǵanyń biri. Álemniń 52 elinen 200-den astam shahmatshy keledi dep josparlanǵan. Onyń ishinde álem chempıondary men vıse-chempıondary, FIDE (Halyqaralyq shahmat federasıasy) nusqasy boıynsha reıtıńi eń joǵary shahmatshylar bar.
Sonymen qatar chempıonatqa óz Ulttyq federasıasy atynan erler men áıelder seksıalaryndaǵy qazirgi el chempıondary men Álem chempıonaty tártibinde kórsetilgen talaptarǵa sáıkes keletin shahmatshylar qatysa alady. Sondaı-aq, Qazaqstan shahmat federasıasynyń qosymsha 30 qazaqstandyq oıynshyny shaqyrýǵa aıryqsha quqyǵy bar.
Jyldam jáne blıs shahmat boıynsha 2021 jylǵy Álem chempıonatynyń ashyq jáne áıelder jarystarynyń reglamentimen kelesi siltemeler boıynsha tanysýǵa bolady: ashyq jarystar jáne áıelder jarystary.
Rapıd – bul ár partıaǵa 15 pen 60 mınýttyń aralyǵynda ýaqyt beriletin shahmat túri. Halyqaralyq iri jarystarda ýaqyt aralyǵy – 15 mınýt + ár júriske 10 sekýnd, dep bekitilgen. Shahmat oıynynyń bul túrin grosmeıster Davıd Bronshteın oılap tapqan.
Blıs – bul rapıdten de jyldam oıyn. Búkil partıaǵa 1-den 10 mınýtqa deıin beriledi. Elektrondy shahmat saǵaty paıda bolǵanǵa deıin ár partıaǵa 5 mınýttan berilgen. Búginde blısten iri týrnırler 3 mınýt + ár júriske 2 sekýnd ýaqyt kórsetkishimen ótkiziledi.