Taraptar aldaǵy jumys baǵyttaryn talqylady.
Májilis Tóraǵasy Nurlan Nyǵmatýlın Túrkitildes elder Parlamenttik Assambleıasynyń jańa Bas hatshysy Mehmet Súreııa Erdy qabyldady, dep habarlaıdy Almaty-akshamy.kz
Otyrysta Palata Spıkeri Túrkistanda TúrkPA-nyń X-shi plenarlyq otyrysyn joǵary deńgeıde ótkizilgenin, sondaı-aq, jýyq arada Ystanbulda ótken Túrkitildes memleketterdiń yntymaqtastyq keńesiniń 8-shi Samıtinde tarıhı sheshimder qabyldanǵanyna nazar aýdardy.
Nurlan Nyǵmatýlın atap ótkendeı, sonyń ishinde Qazaqstannyń Tuńǵysh Prezıdenti, Túrki keńesiniń Qurmetti tóraǵasy Nursultan Nazarbaevtyń bastamasymen Túrkitildes memleketter yntymaqtastyǵy keńesiniń ataýy «Túrki memleketteri uıymy» ataýyna ózgerdi.
«Túrki áleminiń keleshegi - 2040» qujatynyń qabyldanýy, sonymen qatar, Túrikmenstannyń uıymǵa baqylaýshy mártebesine ıe bolýy Uıym damýyndaǵy jańa kezeń. Májilis Tóraǵasy TúrkPA-nyń da ataýyn «Túrki memleketteriniń Parlamenttik Assambleıasy» dep ózgertýdiń ýaqyty keldi dep sanaıtynyn aıtyp, Hatshylyq bul máseleni zańnamalyq deńgeıde qamtamasyz etý kerektigine mán berdi.
Otyrys barysynda TúrkPA-ǵa qatysýshy memleketterdiń ulttyq zańnamalaryn úılestirý jáne jaqyndastyrý jumystaryn júıeli túrde júrgizilý qajettiligi aıtylyp, TúrkPA-nyń 2022-2027 jyldarǵa arnalǵan zań jobalaý qyzmetiniń baǵdarlamasyna erekshe nazar aýdaryldy.