Almatylyq oqýshy SHQO-daǵy dosyna ketip qalǵan
Anasymen renjisip qalǵan almatylyq oqýshy SHQO-daǵy dosyna ketip qalǵan, dep habarlaıdy Almaty-akshamy.kz Polisia.kz-ke silteme jasap.
Óskemen qalasynyń PB-ǵa 24 qarasha kúni saǵat 09.20-da Almaty qalasynyń 15 jastaǵy turǵyny jetkizilgen. Tekserý barysynda 15 jastaǵy jasóspirim anasymen urysyp, 22 qarashada dosyna ketýge sheshim qabyldaǵany anyqtaldy.
Ol dosymen kezinde Katonqaraǵaı aýdanyndaǵy bir aýylda turǵany anyqtaldy. Jasóspirim dosymen telefon arqyly habarlasyp, SHQO-da oǵan keletinin aıtyp eskertip qoıǵan. Almatydaǵy iri saýda ortalyqtarynyń birine kelgennen keıin jasóspirim quny 180 myń teńge turatyn qymbat smartfonyn satyp, sodan keıin qalalyq avtovokzalda 15 myń teńgege SHQO Óskemen qalasyna deıin jetýge taksıstpen kelisip, jolǵa shyqqan.
Ulan aýdanynyń Saratovka aýylyna kire beriste SHQO PD BPP qyzmet ınspektorlary taksıdi toqtatyp, tekserý kezinde jolaýshylardyń biri iz-túzsiz joǵalǵan adam retinde baǵdar boıynsha ótip jatqanyn anyqtaǵan. Sodan keıin kámeletke tolmaǵan Óskemen q. PB Ertis PB kámeletke tolmaǵandar isi jónindegi ınspektory R. Mazbaevqa tapsyrylyp, polısıa bólimine jetkizilip, ony úıine qaıtarý boıynsha sharalar qabyldandy.
Qazirgi ýaqytta 15 jastaǵy jasóspirimniń ata-anasy basqa qalada turatyndyqtan, ol Óskemen qalasynyń kámeletke tolmaǵandardy beıimdeý ortalyǵyna ornalastyryldy, aldaǵy ýaqytta rastaıtyn qujattardy usynǵannan soń zańdy ókilderine tapsyrylatyn bolady.