Tanymal ánshi Dımash Qudaıbergen Qaraǵandy oblysy Kostenko shahtasynda qaza tapqan kenshilerdiń kámelet jasqa tolmaǵan balalary bar 20 otbasyǵa 20 mln teńge aýdardy. Bul týraly Baýyrjan Babajanuly óziniń áleýmettik paraqshasynda jazdy, dep habarlaıdy almaty-akshamy.kz
Keshe Dımash Qudaıbergen sol apatta ákeleri qaıtys bolǵan, kámelettik jasqa tolmaǵan balalary bar 20 otbasyǵa 1 mln teńgeden aýdardy. Osy habardy kezdeısoq estip qalyp, Kanat Aıtbaevqa habarlastym. Ol rastady. Jalpy Aıtbaevtar otbasy bergenin jarıalaı bermeıdi. Dımash atqa mingeli ǵana emes, burynnan solaı. Biraq myna habardy el bilýi kerek qoı, – dep jazdy belgili aqyn, jýrnalıs Baýyrjan Babajanuly Facebook-tegi paraqshasynda.