İs-qımyl jospary eki kezeńge bólindi. Birinshisi kezende Jambyl, Almaty, Aqmola, Batys Qazaqstan oblystarynda 1,7 tekshe kılometr sýdy jınaqtaıtyn 8 sý qoımasyn salý josparlanǵan. 



«Ekinshi kezeńde Aqtóbe, Qyzylorda, Shyǵys Qazaqstan jáne Qaraǵandy oblystarynda 12 sý qoımasyn salý kózdelgen. Budan basqa, 15 gıdrotehnıkalyq qurylysty qaıta jańǵyrtý josparlanǵan. Jobalyq-smetalyq qujattama ázirlený ústinde», - dedi mınıstr.



Nurjan Nurjigitov sýdyń «qara naryǵyn» joıý jónindegi sharalar kúsheıtiletinin atap kórsetti. Sonyń ishinde sý salasyndaǵy buzýshylyqtar úshin jaýapkershilikti zańnamalyq deńgeıde qatańdatý qarastyrylǵan.



«Sý kodeksiniń jańa redaksıasynda Baseındik sý ınspeksıalaryna memlekettik baqylaý fýnksıalarynan bólek qadaǵalaý fýnksıalary da beriledi. Kásipkerlik kodeks sý resýrstaryn basqarý organdary jedel den qoıý sharalaryn qabyldaı alatyn normalarmen tolyqtyrylady. Tájirıbe kórsetkendeı, sýdy óz betinshe paıdalaný bóliginde sý zańnamasynyń buzylýyna jedel den qoıý tetikteriniń bolmaýy, jekelegen sý tutynýshylardyń belgilengen sý alý lımıtterinen asyp ketýinen sýmen qamtamasyz etý problemalary týyndaǵan», - dep túsindirdi vedomstvo basshysy.