"Almaty Sý" komýnaldyq kásipornynyń appattyq qyzmeti Bostandyq aýdanyndaǵy sý qubyrynda oryn alǵan apat saldaryn joıý jónindegi jumystardy aıaqtady, dep habarlaıdy Almaty-akshamy.kz.
Sý qubyrynyń apattyq jarylýy sebebinen toqtatylǵan sýyq sýmen jabdyqtaý osy táýliktiń 00.00 saǵatyna deıin tolyq kólemde qalpyna keltiriletin bolady.
21.30-dan bastap sý qubyry jelilerine sý jiberý bastalady.
Bostandyq jáne Almaly aýdandarynyń bir bóliginde ýaqytsha sý sapasy tómendeýi múmkin.
Komýnaldyq kásiporyn turǵyndardan, sý tolyq tazarǵanǵa deıin, kir jýǵysh mashınalar men ydys jýǵysh mashınalardy ýaqytsha paıdalanbaı turýdy suraıdy. Apattyq qyzmetter ınjenerlik jelilerdi jýý jumystaryn júrgizetin bolady.
Tórt metr tereńdikte apattyq-qalpyna keltirý jumystarynyń nátıjesinde uzyndyǵy 8 m D=600 mm qubyrdyń tolyq tozǵan segmenti aýystyryldy.
Jumysqa 12 birlik arnaıy tehnıka jáne "Almaty Sý" MKK 31 qyzmetkeri jumyldyryldy.
Qalanyń jol qyzmetteri sýdyń aǵýy nátıjesinde paıda bolǵan joldar men trotýarlardaǵy muzdy joıý jumystaryn oryndady.
Myńbaev kóshesi boıymen tartylǵan magıstraldyq sý qubyry 1972 jyly paıdalanýǵa berilgen jáne qalanyń sýmen jabdyqtaý júıesinde 50 jyldan astam ýaqyt qoldanylǵan qubyrdyń ábden tozyǵy jetken. Aldaǵy jyldary osy qubyrdy búkil uzyndyǵy boıynsha kezeń-kezeńimen aýystyrý josparlanýda.
Almaty qalasynyń qoldanystaǵy ınjenerlik ınfraqurylymy jelileri de, obektilerdiń jabdyqtary da aıtarlyqtaı tozǵan. Sýmen jabdyqtaý jelileriniń uzyndyǵy 3528 km quraıdy, onyń ishinde 1941,2 km jeli aýystyrýdy qajet etedi (jalpy uzyndyǵynyń 55,8%).
«Almaty sý» MKK