Polıseıler poıyz jolaýshysynan asa iri mólsherde esirtki zatyn tárkiledi.
Kóliktegi polısıa qyzmetkerleri Shý stansıasynda Almaty oblysynyń turǵynynan asa iri mólsherde esirtki zatyn tárkiledi, dep habarlaıdy Almaty-akshamy.kz polisia.kz telegram kanalyna silteme jasap.
Esirtkini Shý stansıasyndaǵy vokzal perronynda qyzmettik ıt tapqan. Almaty oblysy turǵynynyń sómkesinen jalpy salmaǵy 12 keli 480 gram «marıhýana» tabylyp, tárkilendi.
«Atalǵan fakti boıynsha QR Qylmystyq kodeksiniń 296-baby 4-bóligi, ıaǵnı esirtki quraldaryn asa iri mólsherde zańsyz saqtaý boıynsha sotqa deıingi tergep-tekserý bastaldy», - dedi Kóliktegi polısıa departamentiniń bastyǵy Baqytjan Malybaev.
Kúdiktiniń Shý aýdanynda jabaıy qarasora jınap, ony Almaty qalasyna temirjol kóligimen tasymaldaýdy josparlaǵany anyqtaldy.
«Ol polısıa bóliminiń ýaqytsha ustaý ızolátoryna qamaldy, tergeý júrgizilip jatyr», - dedi B. Malybaev.