Otandasymyz fınalda AQSH boksshysyna utyldy
Serbıa astanasy Belgrad qalasynda ótip jatqan bokstan álem chempıonatynda Serik Temirjanov álem chempıony atandy, dep habarlaıdy Almaty-akshamy.kz QazAqparat agenttigine silteme jasap.
Serik Temirjanov 57 keli salmaqta AQSH-tan kelgen Djamal Harvımen sheberlik baıqasty.
Alǵashqy eki raýndta amerıkandyq boksshynyń belsendiligi baıqaldy. Tóreshiler sheshimi de solaı boldy. Jalpy nátıjede jeńis Djamal Harvıge buıyrdy. Al Serik kúmis júldege qol sozdy.
Eske salsaq, budan buryn 5 qarashada el quramasynan Temirtas Júsipov (48 keli) altyn alsa, Mahmýd Sabyrhan (54 keli) kúmisti qanaǵat tutty.
Sondaı-aq, búgin 6 qarashada Sáken Bıbosynov (51 keli) fınalda AQSH-tan kelgen Rosko Hıll aılasyn asyryp, álem chempıony atandy.
Al el quramasynan jartylaı fınalda Abylaıhan Júsipov (67 keli) japon Sevonres Okadzavaǵa ese jiberdi.
Osylaısha qazaqstandyq boksshylar álem chempıonatynda aıaqtady. Enshimizde - 2 altyn, 2 kúmis, 1 qola. Jalpy komandalyq esepte el quramasy birinshi orynda keledi.
Eske salsaq, Nurbek Oralbaı (80 keli), Sanatalı Tóltaev (63,5 keli) Aslanbek Shymbergenov (71 keli), Samatálı Tóltaev (60 keli) pen Nurqanat Raıys (75 keli) shırek fınalda súrindi .
Al shırek fınalǵa deıin Bek Nurmaǵambet (86 keli), Aıbek Oralbaı (92 keli) pen Nurlan Saparbaı (92 keliden joǵary) qarsylastaryna jol berdi.