Kezdesýde Aýǵanstandaǵy jaǵdaı, jahandyq klımattyń ózgerýi sóz etildi
Qazaqstan Parlamenti Senatynyń tóraǵasy Máýlen Áshimbaev Vatıkanǵa jumys sapary aıasynda Rım Papasy Fransıskpen kezdesti, dep habarlaıdy Almaty-akshamy.kz «Habar 24» telearnasyna silteme jasap.
Senattyń baspasóz qyzmetine silteme jasap. Kezdesý barysynda Máýlen Áshimbaev Pontıfıkke Qazaqstan Prezıdenti Qasym-Jomart Toqaevtyń atynan Álemdik jáne dástúrli dinder lıderleriniń VII Sezine shaqyrý hatyn tabys etti.
Suhbat kezinde Senat spıkeri Qazaqstannyń konfesıaaralyq kelisimdi nyǵaıtýǵa jáne jahandyq dinaralyq dıalogty ilgeriletýge baǵyttalǵan bastamalary týraly aıtyp, olardyń Vatıkannyń qyzmetimen tyǵyz baılanysty ekenine nazar aýdardy.
«Etnosaralyq beıbitshilik jáne kelisim, ár azamattyń dinı kózqarasyna degen qurmet qazaqstandyq mádenıet pen mentalıtettiń ajyramas bólshegi. Biz toleranttylyqty saqtaýǵa jáne ony dáripteýge basa mán berip kelemiz. Sol sebepti, bizdiń Tuńǵysh Prezıdentimiz Nursultan Nazarbaev 2003 jyly Álemdik jáne dástúrli dinder lıderleriniń sezin shaqyrý týraly bastama kóterdi. Bul Forýmnyń jumysyn damytýǵa Sıez hatshylyǵynyń basshysy retinde Memleket basshysy Qasym-Jomart Toqaev aıtarlyqtaı úles qosty»,– dedi Máýlen Áshimbaev.
Sondaı-aq ol Vatıkannyń elimizdiń atalǵan bastamasyna qoldaý kórsetip kele jatqany úshin alǵys bildirdi.
Aldaǵy sıeze pandemıadan keıingi kezeńde adamzattyń rýhanı-áleýmettik damýyndaǵy álemdik jáne dástúrli dinder lıderleriniń rólin talqylaý josparlanyp otyr. Osyǵan oraı taraptar din qaıratkerleri pandemıamen jáne onyń áleýmettik-ekonomıkalyq jáne gýmanıtarlyq saldarymen kúreske úlken úles qosa alatynyna senim bildirdi.
Rım Papasy Fransısk Qazaqstan Prezıdenti Qasym-Jomart Toqaevqa kelesi jyly qyrkúıekte ótetin Álemdik jáne dástúrli dinder lıderleriniń VII sezine qatysýǵa Qazaqstanǵa shaqyrǵany úshin alǵysyn bildirdi. Sondaı-aq Pontıfık Elbasynyń sıezi shaqyrý týraly bastamasynyń mańyzdy ekenine nazar aýdaryp, Qazaq eliniń jahandyq dinaralyq dıalogty damytýǵa aıtarlyqtaı ról qosyp otyrǵanyn atap ótti.
Suhbattasýshylar kún tártibindegi halyqaralyq mańyzdy máselelerdi de talqylady.
Atap aıtqanda, Aýǵanstandaǵy jaǵdaıǵa jahandyq klımattyń ózgerýine jáne taǵy basqa túıtkilderge nazar aýdardy. Budan basqa Máýlen Áshimbaev búgin Vatıkannyń memlekettik hatshysy Petro Parolınmen kezdesip, Qazaqstan men Vatıkan arasyndaǵy yntymaqtastyq máselelerin sóz etti.
Sonymen birge Qazaqstan Senatynyń tóraǵasy sapar aıasynda Papa keńesiniń dinaralyq dıalog jónindegi prezıdenti kardınal Mıgel Anhel Aıýso Gıksotpen kezdesti.