Arnaıy jumys júrgizilip jatyr.
Qazaqstandyq mamandar jol qozǵalysy qaýipsizdigin qamtamasyz etý maqsatynda jolǵa arnaıy jol belgilerin ornatady, dep habarlaıdy Almaty-akshamy.kz.
««Qazaqavtojol» JSHS JSHS mamandary jol qozǵalysy qaýipsizdigin qamtamasyz etýge baǵyttalǵan sharalardy iske asyrý jospary barysynda 30 myń shaqyrymnan astam jolǵa arnaıy jol belgilerin ornatady»,- delingen QR IIDM baspasóz qyzmetiniń habarlamasynda.
Búginde 9 781 jol belgileri men 397 dana aqparattyq panno jáne 23 118 belgi baǵanasy men 26 766 dana katafottardy ornatý boıynsha jumystar júrgizilýde.
Sondaı-aq jospar sheńberinde 2 733 sharshy metr shýly jolaqtar men 27 064 metr qorshaý (krıvbrýs) ornatý jumystary da iske asyrylýda.
«Barlyq jol elementterin ornatý jol-kólik oqıǵasyn boldyrmaý jáne qarsy baǵytpen soqtyǵysýdyń aldyn alý maqsatynda qolǵa alynýda», - dep habarlady QR IIDM baspasóz qyzmeti.