2,5 jylǵa bas bostandyǵynan aıyryldy.
Qyrǵyzstan qazaqtary qaýymdastyǵynyń burynǵy basshysy Marat Toktoýchıkov memleketke opasyzdyq jasaǵany úshin eki jyl alty aıǵa bas bostandyǵynan aıyryldy, dep habarlaıdy Almaty-akshamy.kz 24 kg silteme jasap.
«Bishkek qalasynyń Birinshi Maı aýdandyq sotynyń úkimimen Toktoýchıkov Qyrǵyzstan Qylmystyq kodeksiniń «Memleketke opasyzdyq» baby boıynsha qylmys jasaǵany úshin kináli dep tanylyp, oǵan eki jyl alty aı merzimge jalpy rejımdegi túzeý kolonıasynda bas bostandyǵynan aıyrý jazasy taǵaıyndaldy», – dep jazylǵan habarlamada.
Toktoýchıkov memleketke opasyzdyq jasady degen kúdikpen 2021 jyldyń sáýirinde ustaldy. Onymen birge Qyrǵyz-Reseı Slaván ýnıversıtetiniń halyqaralyq qatynastar fakúltetiniń saıasattaný kafedrasynda jumys istegen saıasattanýshy Marat Qazaqpaev ta dál osyndaı aıyppen ustaldy.
Qazaqpaev pen Toktoýchıkov Qyrǵyzstan Ulttyq qaýipsizdik memlekettik komıtetiniń (UQK) tergeý ızolátoryna qamaldy. 2022 jyly 9 maýsymda Qazaqpaev densaýlyǵynyń kúrt nasharlaýyna baılanysty Bishkektegi №1 klınıkalyq aýrýhanaǵa jetkizildi. 10 maýsymda komadan shyqpaı, aýrýhanada qaıtys boldy.