Ulttyq testileý ortalyǵynyń dırektory Rýslan Emelbaevtyń aıtýynsha, bıyl İT salanyń 3 baǵyttaǵy granttaryna 16 myń talapker talasýy múmkin, dep habarlaıdy Almaty-akshamy.kz. QazAqparat-qa silteme jasap.
«Pánder kombınasıasy boıynsha matematıka men fızıka kósh basynda tur. Óıtkeni tehnıkalyq mamandyqtarǵa grant óte kóp bólinip otyr. Ekinshi orynda «bıologıa-hımıa» kombınasıasy tur. Bul negizinen medısınalyq mamandyqtardy tańdaǵandar. Sondaı-aq, úshinshi orynda shyǵarmashylyq kombınasıa tańdaǵandar tur. Shyǵarmashylyq mamandyqqa túsetinde UBT-da eki pánnen ǵana test tapsyrady. Al ózderiniń beıindi pánderinen túsetin oqý ornynda test tapsyrady. Bıyl abıtýrıentterdiń 10 paıyzy «matematıka-ınformatıka» kombınasıasyn tańdady. Bul kombınasıa buryn bolmaǵannyń ózinde 16 myńdaı talapker tańdaǵan», - dedi ol Ortalyq komýnıkasıalar qyzmetinde ótken brıfıńide.
Sondaı-aq, Rýslan Emelbaev byltyrǵy statısıkamen bıylǵy kórsetkishterdi salystyrdy.
«Byltyr 80 myńnan astam talapker grant konkýrsyna qujat ótkizgen. Onyń ár tórtinshisi, ıaǵnı, 22 myńy pedagogıkalyq mamandyqqa tapsyrǵan. Ol kezde tehnıkalyq mamandyqtar ekinshi orynda bolǵan. Úshinshi orynda İT sala, tórtinshi orynda medısına bolǵan.
Matematıka-ınformatıka kombınasıasyn tańdaǵan talapkerler bıyl úsh baǵyt boıynsha ǵana grantqa talasa alady. Ol - aqparat tehnologıalary, aqparat qaýipsizdigi jáne ınformatıka pániniń muǵalimi. 2023 jylǵa deıin talapkerler İT salaǵa «matematıka-fızıka» kombınasıasy boıynsha test tapsyryp túsetin. Endi «matematıka-ınformatıka» kombınasıasyn tańdaǵan 16 myń bala bolashaǵyn İT-salamen baılanystyryp otyr degen sóz», - dedi ortalyq dırektory.