QR Parlamenti Májilisiniń depýtaty, «AMANAT» partıasy fraksıasynyń múshesi Juldyz Súleımenova áıelder kóshbasshylyǵy jaıynda oıymen bólisip, elimizge kóshbasshy áıelder nege kerek ekenin, sondaı-aq «Tomiris» jobasy týraly aıtty, dep habarlaıdy Almaty-akshamy.kz.  

Kóshbasshy áıelderge arnalǵan «Tomiris» jobasynyń biregeıligi - onyń zamanaýı qabiletter men daǵdylardy qalyptastyrýǵa ǵana emes, áıelderdiń qoǵamnyń kez kelgen salasyna belsendi aralasýyna jaǵdaı jasaýǵa baǵyttalýynda, -dep jazdy Azattyq Ruhy.

«Tomiris» oqý baǵdarlamasy qatysýshylarǵa áıeldiń qoǵamdaǵy jáne saıasattaǵy múmkindikterine jańasha kózqaraspen qaraýǵa múmkindik beredi.

Men saıasattaǵy osy áıelder qoǵamdastyǵynyń ókili retinde búgingi tańda qoǵamda jalpy úsh baǵyttaǵy suranystyń orny erekshe ekenin atap ótkim keledi. Birinshi – qaýipsiz qoǵam. Iaǵnı qoǵamda balaǵa da, úlkenge de, áıelge nemese er azamatqa da qaýipsizdik sharalaryn qamtamasyz etetin qoǵam qajet. Ekinshi – áleýmettik ekonomıkalyq jaýapkershilikter júzege asyrylatyn qoǵam. Úshinshi – mádenı, rýhanı, tárbıe qundylyqtary júzege asyrylatyn qoǵam. Osy úsh baǵytta da biz qazaq áıelderiniń orny erekshe ekenin atap ótkim keledi.

Jalpy saılanbaly qyzmetterde, saıasatta áıelderdiń úles sanynyń kóp bolýy – sol qoǵamdaǵy gýmanızmniń, sol qoǵamdaǵy saıası toleranttylyq pen saıası mádenıettiń kórsetkishi bolyp tabylady. Sondyqtan osy oraıda biz elimizdi damytý úshin, elimizdiń saıası qoǵamdyq damýyn kúsheıtý úshin sizderdi de osy baǵdarlamaǵa shaqyramyn», - dedi Juldyz Súleımenova.

Kóshbasshy áıelderge arnalǵan «Tomiris» jobasynyń ekinshi legine irikteý bastaldy jáne ol 15 shilde kúngi Astana ýaqytymen 18:30-ǵa deıin jalǵasady.

Ótinim formasy men baǵdarlama týraly tolyq aqparat https://taplink.cc/apm.amanat.