Bilim sapasy
Almaty qalasy bilim berý sapasyn qamtamasyz etý departamentiniń basshysy Gúlnar Ermekbaeva onlaın brıfıń kezinde bilim salasynyń sapasyn kóterý úshin qandaı sharalar qabyldanyp jatqany týraly baıandady.
Departament basshysy bıylǵy jyldyń eki aıynda júrgizgen baqylaý qorytyndysyn ortaǵa saldy.
Gúlnar Ermekbaevanyń aıtýynsha, osy jyldyń maýsym men shilde aılarynda qaladaǵy 207 orta bilim berý uıymdaryna tekserý jumystary júrgizilgen. Tekserý kezinde bilim berý uıymdaryndaǵy sanıtarlyq epıdemıalogıalyq talaptardyń uıymdastyrylýy, ıaǵnı Ashyq júıesiniń barlyq jerlerde ornatylýy, uıym qyzmetkerleriniń termometrlik qurylǵylardy qoldanylýy sıaqty talaptardyń oryndalýy tekserilgen.
Biz mektepterdiń jańa oqý jylyna daıyndyǵyn tekserip qana qoımaı, olardyń materıaldyq-tehnıkalyq quraldarmen qalaı qamtamasyz etilgenin, aǵymdaǵy nemese kúrdeli jóndeýdiń júrgizilgenin, beınekameralardyń bar-joǵyn tekserdik. Barlyq bilim uıymdarynda aǵymdaǵy jóndeý jumystary júrgizilse, 5 mektep pen 1 kolejde kúrdeli jóndeý jumysy júrgizildi. №54 mektep-gımnazıa men №7 orta mekteptegi jóndeý jumystary belgilengen merzimde tapsyrylmaı otyr, – dedi bilim berý sapasyn qamtamasyz etý departamentiniń basshysy.
Gúlnar Ermekbaeva basshylyq etip otyrǵan mekeme mektepterdi oqýlyqtarmen qamtamasyz etý, biliktilik sanattaryn berý, bos oryndarǵa konkýrstyq rásimderdi júrgizý jáne bilim berý uıymdarynyń basshylaryn taǵaıyndaý erejelerin saqtaý boıynsha úlken jumys júrgizdi.
2021 jyldyń qyrkúıeginen bastap mektepke deıingi uıymdarda, mektepterde, kolejderde jáne elimizdiń áskerı, arnaıy joǵary oqý oryndarynda memlekettik atestattaý engizilgeni belgili.
Departament basshysynyń aıtýynsha, elimizde «Memlekettik atestattaý memlekettik jalpyǵa mindetti bilim berý standarty» talaptarynyń saqtalýyn baqylaý jáne bilim berý uıymdaryna ádistemelik kómek kórsetý maqsatynda profılaktıkalyq baqylaý túrinde júrgiziledi. Memlekettik attestasıanyń mańyzdylyǵy – oqýshylardyń bilimin baqylap, ata-analardyń saýalnamasyn, bilim berý uıymdarynyń ózin-ózi baǵalaýyn qarastyrady.
Sonymen qatar, 5 jyl ishinde barlyq balabaqshalar, mektepter, kolejder memlekettik atestattaýdan ótýi qajet.