Kıberkeńistiktegi terrorshy toptardyń paıda bolý tarıhy kúni keshe ǵana. Máselen, 1998 jyly AQSH-tyń «Sheteldik terorıstik uıymdar» tizimine engen 30 terorıstik uıymdarynyń shamamen 50% ǵana veb-saıttary bolsa, 2000 jyldardan bastap barlyǵy ǵalamtor júıesin paıdalanǵany anyqtaldy.
Qazirgi tańda ǵalamtordaǵy terorızm ol dınamıkalyq qubylys, veb-saıttar birden paıda bolady, óziniń túr-turpatyn jıi aýystyrady, biraq dál solaı ekpindep joıylady. Kóp jaǵdaıda bul adastyrý úshin jasalady. Onda saıttyń ózi qalyp, tek qana mekenjaıy aýystyrylady. Mysaly, eń baı «Al-Kaıda» terorıstik uıymy óziniń veb-saıtyn, meken-jaıy men kontentin kúndelikti aýystyryp turady.
1980 jyldardyń aıaǵynda kommmersıalyq paıdalanýshylarǵa múmkindik berý nátıjesinde ǵalamtor sıpattamasy tez ózgere bastady. 1990 jyldardyń ortasynda ǵalamtor 18000 jeke menshik, qoǵamdyq jáne ulttyq júıelerdi biriktirdi. HHİ ǵasyrdyń basynda ǵalamtordy paıdalanýshylardyń sany 1 mıllıardtan asty. Sol ýaqyttan bastap terorıstik uıymdarda úgit-nasıhat júrgizý, koldaýshylarmen baılanysý jáne nıettesterdi tabý jumystary bastady.
Ádettegideı saıtta terrorısttik nemese ekstremıstik uıymnyń tarıhy men onyń is-sharalary, negizin salýshylar, kósemderi men batyrlarynyń ómirbaıandary, kózge túser iri tirlikteri, saıası jáne ıdeologıalyq maqsattary, jaýlary týraly qatal syn pikirleri jáne aǵymdaǵy janalyqtary kórsetiledi. Saıtta «Azattyq úshin kúres», «qarsylasý» degen sózderdi únemi paıdalanady. Kúsh qoldanǵany týraly moraldyq jáne quqyqtyq negizderin túsindire kele terrorısterdin zorlyq-zombylyq is áreketterin egjeı-tegjeıli sıpattamaıdy.
Terorıstik saıttar urandardy paıdalanyp, jaqtastaryna arnalǵan belgiler, fýtbolkalar, týlar, beıne, aýdıo dıskterdi satýǵa qoıady. Jergilikti tilden basqa tildegi saıttar, tikeleı qaqtyǵysqa qatysy joq, biraq osy máselede qyzyǵýshylyǵy bar halyqaralyq aýdıtorıaǵa arnalǵan. Sol sebepti, kóptegen saıttar birneshe tilde jasalǵan. Mysaly, «Ózbekstan ıslam qozǵalysy» ózbek tilinen bólek arab, orys jáne aǵylshyn tilderin paıdalanady.
Psıhologıalyq soǵys. Ol degenimiz jalǵan aqparat taratý, úreıli jáne dármensiz ekenin seziný úshin ózderiniń jan túrshigerlik is-áreketteriniń sýretterin taratý. Mysaly, «Islam memleketi» terorıstik uıymy tutqyndalǵan Iordanıa áskerı áýe kúshteriniń ushqyshy, aǵa leıtenant Mýaz Iýsef al-Kasasbany 2015 jyly 3 aqpanda tirideı órtep, beıne rolıgin ǵalamtor arqyly taratqan.
Terorıstik uıymdardyń ishinde «Al-Kaıda» osy baǵytty jaqsy qoldandy deýge bolady. 2001 jyly 11 qyrkúıekte AQSH-taǵy dúnıejúzilik saýda ortalyǵyna jasalǵan terorıstik aktiden keıin amerıkanyń ekonomıkasy álsirep, qor bırjasy quldyrady jáne odan da «úlken» shabýyl uıymdastyrylyp jatyr dep qoǵamda úreı týǵyzdy.
Terorıstik uıymdardyń ǵalamtordy qalaı paıdalanyp jatqanyn biz tolyq bilsek, osy baǵyttaǵy ozyq tájirıbeni paıdalana otyryp, terrorısterdiń paıdalaný múmkinshiligin shekteıtin sharalardy qarastyrýymyz kerek. Bul - búgingi kúnniń eń ózekti máseleleriniń biri.