Almaty oblysynda parashúttik sporttan Qazaqstan men Qarýly kúshterdiń HHH ashyq chempıonaty bastaldy
Jeke-komandalyq birinshilikte klasıkalyq parashút sportynan jarystar Parashúttik daıarlyq ortalyǵynda ótedi. Oǵan Desanttyq-shabýyldaý áskerleriniń, Áýe qorǵanysy kúshteriniń, 32039 áskerı bóliminiń, Ulttyq ulannyń, «Otan» respýblıkalyq qoǵamdyq birlestigi aeroklýbynyń, avıasıalyq óńirlik sport federasıasy, Qaraǵandy qalasynyń avıasıalyq-qutqarý parashúttik ortalyǵynyń komandalary qatysady.
Jarysqa halyqaralyq dárejedegi sport sheberleri, sport sheberleri men sport sheberine kandıdattar, razrádty sportshylar quramynda barlyǵy 14 komanda qatysady.
Jeke esepte Qazaqstannyń ár óńirinen 13 qatysýshy baǵyn synamaq, olardyń ishinde úsheýi qyz.
Jarysqa qatysýshylar 900-1200 metr bıiktikten dál qoný jeke jáne toptyq sekirýlerdi, odan bólek 2200 metr bıiktikten jeke akrobatıkalyq sekirýlerdi oryndaıdy.
Chempıonat qorytyndysyna qaraı Qarýly kúshter men Qazaqstannyń parashút sportynan qurama komandalary jasaqtalatyn bolady. Nátıjesi 2023 jyldyń 5 tamyzynda shyǵady.