Medeý aýdanynyń ońtústik bóligine sýdy keste boıynsha berýge qatysty engizilgen májbúrli sharalar saqtalýda, dep málimdedi 2 tamyz kúni "Almaty sý" kompanıasy.
2 tamyzda sý berý myna keste boıynsha júrgiziledi:
saǵat 7:00-den 13:00-ge deıin – ál-Farabı, Lýganskıı, Chaıkına, Taımanov kósheleriniń kontýryndaǵy kóppáterli turǵyn úıler;
saǵat 19.00-den 24.00-ge deıin Qurmet kóshesiniń ońtústiginde (joǵaryda) ornalasqan tutynýshylar, onyń ishinde "Iýbıleınyı" shaǵyn aýdany, Kamenskoe plato, "Evropolıs" TK, "Álem qalashyǵy", "Almaly" TK, Kereı – Jánibek handary kóshesiniń eki jaǵyndaǵy kóppáterli turǵyn úıler;
saǵat 13.00-den 19.00-ge deıin jáne saǵat 24.00-den 07.00-ge deıin rezervýarlarǵa sý jınaý júrgiziledi.
"Almaty sý" kompanıasy Almaty óńirindegi aptap ystyqtan Kishi Almaty shatqalynda taý basyndaǵy qar jamylǵylarynyń qarqyndy erýi Kishi Almaty ózenindegi sý deńgeıiniń kúrt kóterilýine, jaǵalaýlardyń shaıylýyna jáne jergilikti selge ákep soqtyrdy. Ózendegi sýdyń laılanýynyń joǵarylaýy sanıtarıalyq normalarǵa sáıkes tazartý júrgizýge múmkindik bermedi.
1 tamyzdan bastap "Almaty sý" MKK mamandary júrgizgen zerthanalyq taldaýlar táýliktiń túngi jáne tańerteńgi ýaqytynda sýdyń laılaný kórsetkishi tómendegenin kórsetken, bul kórsetkishter, Kishi Almaty ózeninen sýdy osy ýaqyttarda alýǵa jáne tazartýǵa jiberiletin sý kólemin ulǵaıtýǵa múmkindik beredi.