Jumys sapary barysynda Almaty ákimi Baqytjan Saǵyntaev balalardyń oıyn jáne sport aımaqtaryn qurý, sondaı-aq kólik ınfraqurylymyn damytý jónindegi jobalardyń iske asýymen tanysty dep habarlaıdy almaty-akshamy.kz
Áýezov aýdanynyń Altyn besik shaǵyn aýdanynda jańa qoǵamdyq keńistik ashyldy. Buryn Anet baba kóshesinde stýdenttik jataqhana salý josparlanǵan bolatyn. Turǵyndar ótinish bildirgen soń qala ákimi Baqytjan Saǵyntaev munda sport jáne oıyn alańdaryn, sondaı-aq balabaqsha salý týraly sheshim qabyldady. Munda turatyn qalalyqtar máseleniń osylaı sheshilýin ótingen bolatyn.
Endi 5 myń sharshy metr bos turǵan jerde fýtbol jáne basketbol alańdary, júgirý joldary bar sport alańy, balalarǵa arnalǵan oıyn alańy salyndy. Aýmaq abattandyryldy, jaryqtandyryldy, qoqys jáshikteri men oryndyqtar ornatyldy, butalar men aǵashtar otyrǵyzyldy. Jaqyn jerde 120 oryndyq balabaqsha salynady, onyń jobasymen qala ákimi tanysty.
B. Saǵyntaev sondaı-aq Altyn besik shaǵynaýdanyndaǵy Trýdovaıa kóshesinde abattandyrý jáne qoǵamdyq keńistik qurý barysyn kórdi. Sondaı-aq, Almaty ákiminiń tapsyrmasy boıynsha aýmaǵy 9 myń sharshy metr bolatyn qaraýsyz qalǵan alań boldy, ol tazartylyp, trenajerleri, tenıs ústelderi, vorkaýt-aımaǵy bar sport alańy uıymdastyryldy. Sondaı-aq, fýtbol jáne basketbol alańdary, skeıt-alań, balalar oıyn aımaǵy qarastyrylǵan. Jaryqtandyrý jáne beınebaqylaý ornatylǵan.
Qala ákimi B. Saǵyntaev Aqsaı-2 shaǵyn aýdanyndaǵy saıabaqty qaıta jóndeý jobasymen tanysty, MJÁ aıasynda salynǵan №42 mekteptiń sport alańyn aralap kórdi, Úlken Almaty ózeniniń jaǵalaýy - Ál-Farabı dańǵyly boıyndaǵy kópir asty keńistigin abattandyrý nátıjelerine baǵa berdi. Sonymen qatar, Iassaýı kóshesinen qala shekarasyna deıin uzyndyǵy 4,5 km Tóle bı kóshesin úńgileý jobasy qaraldy.
