FM Kiryu efırinde qazaqstandyq oryndaýshynyń ánderin usyný dástúrge aınaldy
4 qarasha kúni Dımash Qudaıbergenniń jańa kompozısıalarynyń biri «Fly Away» tanymal FM Kiryu japon radıostansıasynyń efırinde shyrqalady, dep habarlaıdy Almaty-akshamy.kz QazAqparatqa silteme jasap.
FM Kiryu efırinde qazaqstandyq oryndaýshynyń ánderin usyný dástúrge aınaldy. Dımashtyń tanymal «Screaming» kompozısıasy alǵash ret japon radıostansıasynda 2020 jyldyń 18 maýsymynda shyrqalǵan bolatyn. Sol kezde ánshiniń daýysyn estigen radıo júrgizýshileri qatty tańǵaldy. Sonymen qatar, efır kezinde olar kóptegen jaqsy pikirler aldy.
Alǵashqy efırden keıin japon fan klýbynyń jankúıerleri birden basqa kompozısıaǵa suranys jasady. Birneshe ret suratqan. Osylaısha, 4 qarashada «More Music» baǵdarlamasynda qazaqstandyq ánshi ániniń altynshy translásıasy ótedi. Jańa efırde radıo júrgizýshiler ánshiniń «Fly Away», «Daıdıdaý» jáne «Golden» atty úsh kompozısıasyn rotasıalaýdy josparlap otyr.