Senimdi, saıası dıalog jolǵa qoıyldy
Ázirbaıjan Prezıdenti Ilham Álıev ázirbaıjandyqtardyń jáne óz atynan Qazaqstan Prezıdentine alǵysyn bildirdi, dep habarlaıdy Almaty-akshamy.kz.
Memleket basshysy Ázirbaıjan memleketi elimiz úshin senimdi jáne mańyzdy seriktes qana emes, baýyrlas jáne jaqyn el ekenin aıtty.
«Biz búginde kóp jylǵy dostyqtyń myzǵymas baılanystaryna súıene otyryp, memleketaralyq yntymaqtastyqty ornattyq. Eki el arasynda belsendi, senimdi, saıası dıalog jolǵa qoıyldy», - dedi Qasym-Jomart Toqaev.
Ázirbaıjan Prezıdentimen keńeıtilgen quramda kelissózder barysynda Prezıdent kópjaqty alańdar sheńberinde syndarly ózara is-qımyl júzege asyrylýda ekenin tilge tıek etti. Sondaı-aq Ilham Álıev arnaıy shaqyrǵany jáne qonaqjaılyǵy úshin alǵysyn aıtty. Geıdar Álıevke kórsetilgen qurmet úshin búkil ázerbeıjandyqtardyń jáne óz atynan rızashylyǵyn bildirdi.
«Biz barsha Qazaqctan halqynyń elimizge degen ystyq yqylacyn árqashan sezinip kelemiz. Ázirbaıjanǵa resmı saparyńyz barysynda osyndaı tileýlestikti siz de baıqadyńyz dep oılaımyn. Bizdiń resmı saparlar aıasynda jıi kezdesýimiz osy qarym-qatynasymyzdyń sıpatyn ańǵartady jáne udaıy baılanysta bolý qajet ekenin kórsetedi. Ózińiz aıtqandaı, bizdiń elderimizdiń bir-birine degen baýyrlastyq nıeti shynaıy. Bul – ekijaqty yntymaqtastyqty damytýǵa jaqsy negiz. Yntymaqtastyq baǵyttaryna keletin bolsaq, olardy sanamalaýǵa biraz ýaqyt ketedi. Óıtkeni ol qoǵamnyń barlyq salasyn qamtıdy. Árıne, qazirgi jaǵdaıda saýda-ekonomıkalyq jáne ınvestısıalyq jobalar, sondaı-aq kólik-logıstıkalyq ınfraqurylymǵa qatysty jobalar basymdyqqa ıe», - dedi Ázirbaıjan Prezıdenti Ilham Álıev.