Ýnıversıtetpen kelisim jasasty.
Qazaqstandaǵy 50-ge jýyq ýnıversıtet merzimdi áskerı qyzmetin atqarǵandardyń UBT nátıjesinsiz, óz esebinen oqýytýǵa nıet bildirdi, dep habarlaıdy Almaty-akshamy.kz QazAqparatqa silteme jasap.
«Qazirgi ýaqytta QR Qorǵanys mınıstrligi 50-ge jýyq ýnıversıtetpen kelisim jasasty. Oqý oryndary merzimdi áskerı qyzmetin atqarǵandardy qoldaýǵa jáne olardy ýnıversıtet esebinen oqýǵa múmkindik berýge nıet bildirdi. Tizim ózgerýi múmkin. Taǵy da bul usynysqa qosylýǵa nıetti ýnıversıtetter bolýy múmkin», - dep málimdedi Ǵylym jáne joǵary bilim vıse-mınıstri Qýanysh Erǵalıev Ortalyq komýnıkasıalar qyzmetindegi brıfıń barysynda.
Eske salaıyq, bul ýaqytqa deıin Ǵylym jáne joǵary bilim mınıstri Saıasat Nurbek áskerı boryshyn ótegenderge bilim granty nemese jeńildikter qalaı beriletinin túsindirgen edi.