2026 jylǵa deıingi Investısıalyq saıasaty tujyrymdamasy bekitildi
Almatyda BUU-nyń Ortalyq Azıa ekonomıkalaryna arnalǵan arnaıy baǵdarlamasynyń (SPEKA) eki kúndik forýmy óz jumysyn bastady, dep habarlaıdy Almaty-akshamy.kz.
İs-sharaǵa Qazaqstan, Ázirbaıjan, Qyrǵyzstan, Túrikmenstan, Ózbekstan, Tájikstan jáne halyqaralyq uıymdardyń ókilderi qatysty.
Otyrys barysynda qatysýshylar kólik baǵyttaryn ártaraptandyrý, sıfrlyq transformasıa, áıelderdiń múmkindikterin keńeıtý, sondaı-aq turaqty energetıkaǵa kóshý máselelerin talqylady.
Forýmnyń ashylýynda QR Ulttyq ekonomıka mınıstri Álibek Qýantyrov sóz sóıledi. Ol is-sharany uıymdastyrýshylar men qatysýshylarǵa óz alǵysyn bildirip, SPEKA baǵdarlamasy Qazaqstanda óńirlik yntymaqtastyqty damytýdaǵy katalızatorlardyń biri retinde qarastyrylatynyn atap ótti.
«Bizdiń maqsat - saýda-ekonomıkalyq qatynastardy, adamı kapıtaldy damytý, jańa óndirister qurý jáne ınvestısıalar tartý», - dep atap ótti Á.Qýantyrov.
Mınıstr sondaı-aq SPEKA elderiniń áleýetin paıdalaný qajettigin eske salyp, saýda-ekonomıkalyq habtardyń transshekaralyq jelisin iske qosýdy usyndy.
Sonymen qatar, UEM basshysy QR damýynyń basym baǵyttary, bıznesti qoldaý jáne Turaqty damý maqsattaryna qol jetkizý jónindegi sharalar týraly aıtty.
«Úkimet retteý saıasatyn jeńildetý boıynsha túbegeıli sharalar qabyldady, bul bıznes úshin ákimshilik kedergilerdi joıýdy bildiredi. Investısıalyq ahýaldy jaqsartý úshin jańa belsendi sıkldiń negizgi baǵyttaryn aıqyndaıtyn 2026 jylǵa deıingi Investısıalyq saıasaty tujyrymdamasy bekitildi. Sonymen qatar, Qazaqstan klımattyń ózgerýimen kúresý jónindegi halyqaralyq kún tártibin belsendi túrde qoldap, 2060 jylǵa qaraı kómirtegi beıtaraptyǵyna qol jetkizýge umtylýda», - dep qorytyndylady Á.Qýantyrov.
Sondaı-aq, SPEKA forýmynyń aıasynda Ulttyq ekonomıka mınıstri Birikken Ulttar Uıymynyń Azıa jáne Tynyq muhıtyna arnalǵan ekonomıkalyq jáne áleýmettik komısıasy (BUU ESKATO) atqarýshy hatshysynyń turaqty damý jónindegi orynbasary Kaveh Zahedımen kezdesý ótkizdi.
Áńgimelesý barysynda Á.Qýantyrov elimizde BUU-men birlesip júzege asyrylyp jatqan jobalar men baǵdarlamalardyń mańyzdy rólin atap ótti.
«Sizdiń qoldaýyńyzben Qazaqstan men ESKATO arasyndaǵy yntymaqtastyq sapaly jańa deńgeıge kóteriletinine senimdimiz. Atap aıtqanda, Qazaqstan Respýblıkasy Turaqty damý maqsattaryna qol jetkizý kontekstinde oń tájirıbelerdi damytý jáne odan ári jyljytý boıynsha Ortalyq Azıa óńiri men Kavkazdaǵy ortalyq bola alady. Turaqty damý maqsattaryna qol jetkizý aıasynda á,á ındıkator qarastyrlǵan, olar memlekettik josparlaý júıesimen biriktirilgen», - dep málimdedi mınıstr.
Óz kezeginde Zahedı myrza strategıalyq áriptestikti odan ári nyǵaıtýǵa daıyn ekenin bildirip, Qazaqstanǵa jasaǵan saparynyń mańyzdylyǵyn atap ótti.
«Qazaqstan – ESKATO-nyń óte mańyzdy jáne belsendi múshesi. TDM, sıfrlyq jáne aqparattyq-kommýnıkasıalyq tehnologıalardy damytý boıynsha yntymaqtastyqtyń keńeıýin quptaımyz. Biz Qazaqstannyń gúldenýi men damýyn qamtamasyz etýge bar kúsh-jigerimizdi salýǵa daıynbyz», - dedi Kaveh Zahedı.
ESKATO men BUU Eýropalyq ekonomıkalyq komısıasy uıymdastyrǵan Forým óz jumysyn erteń jalǵastyrady.