Bilim berý sektorynda jeńildikter qarastyrýdy usynady.
Qazaqstandyq áskerıler merzimdi qyzmettegi sarbazdardy áleýmettik qoldaý sharalaryn qabyldaıdy, dep habarlaıdy Almaty-akshamy.kz.
«Qazaqstannyń Qarýly Kúshterinde 2022 jylǵy kóktemgi áskerge shaqyrý naýqanyn ótkizýge daıyndyq jalǵasýda. Qorǵanys mınıstrligi Qazaqstan Prezıdenti Qasym-Jomart Toqaevtyń jastardyń áskerı qyzmet degen yntasyn arttyrý jónindegi tapsyrmasyn iske asyrý sheńberinde birqatar usynystar ázirledi»,- delingen Qorǵanys mınıstrliginiń baspasóz qyzmetiniń habarlamasynda.
Qorǵanys vedomstvosy qoldanystaǵy zańnamaǵa ózgerister engizý múmkindigin qarastyrýdy usynady. Mamandardyń aıtýynsha, atalmysh ózgerister áskerge shaqyrý jasyndaǵy jastar men olardyń otbasy múshelerin áleýmettik qoldaýǵa arnalǵan.
«Atap aıtqanda, áskerı qyzmetshilerdiń merzimdi áskerı boryshyn óteý kezeńinde olardyń otbasy múshelerine komýnaldyq qyzmetterge aqy tóleýde jeńildikter berý usynylady. Qorǵanys mınıstrligi usynyp otyrǵan merzimdi áskerı qyzmet kezeńinde nesıeni keıinge qaldyrý jas qazaqstandyqtar úshin qosymsha qoldaý bolmaq. Áskerı vedomstvo basqa da, onyń ishinde bilim berý sektorynda jeńildikter qarastyrýdy usynady», - delingen habarlamada.
Sonymen qatar mamandardyń aıtýynsha, qazirgi ýaqytta Qarýly Kúshterde Memleket basshysynyń 2021 jylǵy 1 qyrkúıektegi Qazaqstan halqyna Joldaýynda aıtylǵan, sarbazdar boryshyn ótegen kezeńde ekonomıkanyń naqty sektorynda suranysqa ıe jumysshy mamandyqtardy alý jónindegi tapsyrmasy da iske asyrylýda.