Memleket basshysy Qasym-Jomart Toqaev Ózbekstan Respýblıkasynyń Olıı Májilisi Zań shyǵarý palatasynyń tóraǵasy Nýrdınjon Ismoılovqa iltıpat bildire otyryp, elderimiz dostyq pen tatý kórshilikke, ortaq mádenı qundylyqtarǵa negizdelgen, memleketaralyq yntymaqtastyqtyń úlgisi bolatyn berik ári úılesimdi qatynastardy ornatqanyn atap ótti, dep habarlaıdy Almaty-akshamy.kz
Qazaqstan Prezıdenti ótken jyldyń jeltoqsan aıynda Shavkat Mırzıóevtiń elimizge jasaǵan memlekettik saparyn joǵary baǵalady. Sol sapar qazaq-ózbek yntymaqtastyǵyn odaqtastyq deńgeıine kóterýge negiz bolǵan.
– Ózbekstan – Qazaqstan úshin baýyrlas, seriktes el. Sondyqtan eki el arasyndaǵy ózara qarym-qatynastardy damytýǵa basa mán beremiz. Bizdiń odaqtas qatynastarymyz keń aýqymdy jáne saıası, saýda-ekonomıkalyq, mádenı-gýmanıtarlyq baılanystardy qamtıdy. Osy rette parlament dıplomatıasy erekshe ról atqarady, – dedi Memleket basshysy.
Óz kezeginde Nýrdınjon Ismoılov Qasym-Jomart Toqaevqa kezdesýge ýaqyt bólgeni úshin alǵys bildirip, Ózbekstan Prezıdentiniń izgi tilegi men sálemin jetkizdi.