– Táýelsizdiktiń nyǵaıýyna erlermen birge, áıelderdiń de ıyq tirese qosqan úlesteri zor. Onyń aýyz toltyryp aıtarlyqtaı mysaldaryn alystan izdemeı-aq, ózimizdiń ómir súrip jatqan qalamyzdan-aq kezdestirýge bolady. Áıelder Almatynyń áleýmettik-ekonomıkalyq, saıası, rýhanı-mádenı jaǵdaıyna úlken áser etýde. Olar bul salalardyń damýyna qozǵaýshy kúsh bolýda. Qazirgi tańda medısına, ǵylym salasynda áıel adamdardyń kósh bastap kele jatqanyn kórýge bolady. Meniń oıymsha, elimiz óz aldyna Táýelsizdigin alǵannan keıin áıelder qaýymyna erkindik paıda boldy. Sol sebepten, úlkenimiz bolsyn, kishimiz bolsyn, azattymyzǵa alǵysymyzdy bildiremiz.
Qazirgi tańda meniń aǵylshyn tilinen bilim beretin óz ortalyǵym bar, ol jerde biz 6 jastan 50 jasqa deıingi qala turǵyndaryna bilim beremiz. Soǵan qarap-aq adamdardyń órkendeýge, bilim alýǵa degen qushtarlyǵyn bilýge bolady.
Men Táýelsiz erkin elde ómir súrip, ózim qalaǵan oqý ornynda bilim alyp, súıikti isimmen aınalysyp jatqan baqytty urpaqpyn.