– Qazaqstan – bizdiń erkin ári baqytty kún keship jatqan Otanymyz. Álemde eki júzge tarta táýelsiz memleket bar. Olardyń ózi tili, dini, dili, salty men dástúri, ǵurpy, mádenıeti damyǵan. Oǵan qosa, ishki jáne syrtqy ekonomıkasy da qalyptasqan. Qazaqstan – óz ánurany, eltańbasy, kók baıraǵy men ustanymy bar zaıyrly memleket. TMD elderi arasynda táýelsizdigin 1991 jyly 16 jeltoqsanda jarıalaǵan kúnnen bastap bul eldiń óz halqy, ózine tán ulty men tili bar.
Tarıhtyń tereńine úńilip, árbir tas betinde qalǵan tańbalarǵa qarap, babalarymyz jasap kele jatqan dáýirlerdiń esebinde ketken shaıqastar, ashtyq, jaý tylynda qalǵan jurttyń árbir qany men kóz jasyna qarap, táýelsizdiktiń qandaı keremet uǵym ekenin sezinemiz. Biz beıbit eldiń urpaǵymyz, biz erkin eldiń ulandarymyz. Biraq bizge deıingi osynaý ulan-baıtaq jerdi, eldi amanattap kele jatqan batyrlar men uly tulǵalardyń tókken teri óz aldyna bir tóbe.
Eldiń erkindigin ańsaý bar, oǵan jetý bar jáne ony ustap qalý degen jaýapkershilik bar. Úsh túrli kezeńniń úsh túrli tarıhy bar. Biz osy kezeńniń úshinshisindemiz. Iaǵnı, keleshekke bastaýshy, keleshekti jasaýshy urpaqpyz. Endeshe, qolda bar altynnyń qadirin bilý, ony kelesi urpaqqa amanattaý jáne jetkizý – moınymyzdaǵy paryz!