– Qazaqstannyń jańa dáýirde qol jetkizgen barlyq tabysynyń qaınar kózi. Táýelsiz el bolǵandyǵymyzdyń arqasynda ǵana Qazaqstannyń sózi men isin búkil álem tanydy. Dúnıeniń bir buryshynda qazaq degen halyqtyń úlken ister tyndyra alatyn óresi myqty, órisi keń halyq ekenin álem bildi. Otyz jyl degenińiz, qarap tursańyz az ǵana kezeń. Biraq osy jaýapty jyldar elimizdiń bolashaǵyna degen úlken qadamdardyń bastaýy.
Búginde elimizdi ekonomıka turǵysynda qarqyndy damyp kele jatqan memleket dep tanysa, bir jaǵynan beıbitshilikti tý etken, ulttar dostyǵynyń úlgisi dep te tanıdy. Árıne, bul rette Qazaqstan Respýblıkasynyń Tuńǵysh Prezıdenti – Elbasy Nursultan Ábishuly Nazarbaevtyń eseli eńbegin aıtyp ótken jón. Sebebi, Táýelsizdik pen Elbasynyń esimi qatar júredi. Barlyq ǵumyryn elge qyzmet etýge arnap kele jatqan tulǵanyń izgi joly keıingige úlken ónege. Búginde shartarapta ózindik bedeli, ózindik ustanymy bar, ózgelerdiń bizdiń oımen sanasatyndaı memleket deńgeıine kóterilýi Elbasynyń qajyrly eńbeginiń arqasy.
Táýelsizdikke jetý qandaı qıyn bolsa, ony saqtap qalý da sondaı qıyn. Búginde árbir azamat babalar ańsaǵan erkindiktiń qadirine jete bilip, aqyretke deıin Táýelsizdigimizdiń baıandy bolýyna nıetti bolý kerek.