AQSH-tyń Azyq túlik jáne dári-dármek ákimshiligi «Pfaızer-Bıotek» kompanıasynyń úshinshi ekpesin 12 men 15 jas aralyǵyndaǵy jasósprimderge salýǵa ruqsat berdi, dep habarlaıdy almaty-akshamy.kz «Habar 24»-ke silteme jasap.
Býsterli dozany 5 pen 11 jas aralyǵyndaǵy ımýndyq júıesi álsiz baldyrǵandarǵa da alýǵa bolady. Jańa ereje boıynsha úshinshisin saldyrýǵa, ekinshi ekpeden keıin burynǵydaı 6 aı emes 5 aı ýaqyt kútý qajet. Mundaı normatıvtik ózgerister omıkronnyń taralýyna baılanysty qabyldandy deıdi ortalyq mamandary.
Omıkron, ásirese, balalardyń arasynda jyldam taraı bastaǵan. Sol sebepti jańa jyldyq demalystan keıin AQSH-taǵy myńdaǵan mektep qashyqtan oqytýǵa kóshti. Al kásiporyndar men qyzmet kórsetý oryndaryna jumysshy jetpeı jatyr. Óıtkeni aýrý-syrqaý kóbeıdi. Tipti áýe kompanıalarynda ushqyshtar jetispeı, reıster keshikken.
Keıingi aptada kovıdi juqtyrǵan amerıkalyqtardyń sany eki ese ósken. Al kesheli beri 420 myń adam dertke shaldyqqan.