Ustalǵan qylmystyq toptyń 27-jastaǵy eki múshesi buryn sottalǵan Túrkistan oblysynyń týmalary bolyp shyqty dep habarlaıdy almaty-akshamy.kz Almaty qalasy Polısıa departamentiniń baspasóz qyzmetine silteme jasap.
Sot aldy tergeý amaldary barysynda belgili bolǵandaı kúdikti azamattar Jańa jyl merekesi qarsańynda Indıa eliniń azamatyn tonap, loto klýbqa qaraqshylyq shabýyl jasaǵan. Eki jaǵdaıda da olar travmatıkalyq tapansha paıdalanǵan. Shetel azamatynyń uıaly telefonymen biraz somadaǵy aqshasyn tartyp alsa, loto klýb kasasynan 2 mıllıon teńge kóleminde qarjyny qoldy etken. Qaraqshylyq shabýyl kezinde atalǵan mekemeniń kúzetshisi jaralanǵan,-dep málimdedi Almaty qalasy Polısıa departamentiniń Krımınaldyq polısıa basqarmasynyń bastyǵy polısıa podpolkovnıgi Qýatbek Naýatov.
Onyń aıtýynsha, atalǵan aýyr qylmystardy ashý úshin arnaıy jedel tergeý toby qurylyp, nátıjesinde jedel ýákilder kúdiktilerdi Nur-Sultan qalasynda qolǵa túsirgen.
Keıinirek belgili bolǵandaı kúdiktiler buǵan deıin Almaty oblysy, Qarasaı aýdany aýmaǵynda ornalasqan loto klýbqa da shabýyl jasaǵandyqtary anyqtalady. Qazirgi tańda, ustalǵan ekeýdiń ózge de qylmystarǵa qatystylyǵy anyqtalýda,-dep atap kórsetti Qýatbek Naýatov