Koronavırýstan kisi ólimi órship tur
AQSH-tyń Vashıngton shtatyndaǵy keı óńirlerde máıithanada oryn joq. Mamandar «koronavırýstan kóz jumǵandardy jatqyzatyn jer tappaı jatyrmyz» dep dabyl qaǵyp otyr, dep habarlaıdy Almaty-akshamy.kz
Máselen, Kaýlıs óńiriniń bıligi osy ahýalǵa qatysty tótenshe jaǵdaı jarıalaýdy surady. Munda qazir jańa máıithana salynyp jatyr. Biraq qurylys jumystarynyń aıaqtalýyna áli bir aıdaı ýaqyt qajet. Sondyqtan aımaqqa tońazytqysh kamerasy bar júk kólikteri jiberiletin boldy. Máıitter endi sol jerde saqtalady.
Eske salaıyq, byltyr Nú-Iork qalasynda máıitterdiń kóptigine baılanysty aýrýhana janynda tońazytqysh kameralary bar júk kólikteri ornalastyrylǵan. Ótken jyly kóktemde shahar koronavırýs oshaǵyna aınalǵan edi. Dúnıejúzilik densaýlyq saqtaý uıymynyń ókilderi keıingi ýaqytta Soltústik jáne Ońtústik Amerıkada vırýs juqtyrý jáne kisi ólimi derekteriniń qaıtadan artyp bara jatqanyn habarlady. Osy rette AQSH-ta jańa shekteý sharalary engiziledi dep josparlanǵan.