Shveısarıa jańa sanıtarlyq erejeler engizýde
13 qyrkúıekten bastap elde vaksınalaý sertıfıkaty, koronavırýstyń joq ekenin rastaıtyn testtiń teris nátıjesi nemese qaýipti dertpen aýyrǵany jaıly anyqtamany meıramhanalar, teatrlar, kınoteatrlar men fıtnes-ortalyqtarda tekseretin bolady, dep habarlaıdy Almaty-akshamy.kz Euronews.com-ǵa silteme jasap.
Jańa engiziletin shara myńnan astam adam qatysatyn ashyq dalada da qoldanylady. Sanıtarlyq ruqsat qujaty 16 jastan asqan barlyq shveısarıalyqtarǵa qajet bolmaq.
El bıligi mundaı qosymsha sharalardy juqtyrý deńgeıiniń kóbeıýine baılanysty engizip otyr: munda kúnine COVID-19-dy juqtyrýdyń 3 myńǵa jýyq jańa oqıǵasy tirkeledi. Osyǵan uqsas derekter sáýir aıynda tirkelgen bolatyn.
Mınısterler kabınetindegiler aýrýhanalardaǵy jaǵdaıdyń óte kúrdeli ekenin, al qarqyndy terapıa bólimderi naýqastarǵa barynsha tolǵanyn málimdedi. Keı jerlerde naýqastardy tipti basqa qalalarǵa tasýǵa týra kelip turǵan kórinedi. Bıliktegiler bunyń balamaly nusqasy tek qana lokdaýn engizý dep tolyqtyrdy.
Búgingi tańda Shveısarıa turǵyndarynyń jartysynan astamy vaksınasıanyń tolyq kýrsynan ótken.