ÓKQ brıfıńine qatysqan Naýryzbaı aýdanynyń ákimi Nazıra Toǵyzbaeva jol ınfraqurylymynyń damýy týraly aıtty, dep habarlaıdy almaty-akshamy.kz.
Naýryzbaı aýdanynda jalpy uzyndyǵy 298 shaqyrym 348 kóshe bar, asfálttalǵan joldardyń úlesi – 87% quraıdy.
«Aqjar shaǵyn aýdanynda jalpy uzyndyǵy 45,3 shaqyrym 89 kóshede jol salý josparlanǵan. Búgingi tańda jol qurylysymen 15 shaqyrym qamtylǵan. Qalǵan kósheler nemese 30 shaqyrym ınjenerlik jeliler qurylysy aıaqtalǵannan keıin asfálttalatyn bolady», - dedi aýdan basshysy.
Sonymen qatar, Shuǵyla shaǵyn aýdany boıynsha uzyndyǵy 6,8 shaqyrym 13 kóshede jol salý josparlanǵan. Bıyl uzyndyǵy 5 shaqyrym 9 kóshe qurylyspen qamtyldy, qalǵan 4 kóshe 2024 jyly aıaqtalady dep josparlanýda.
Sonymen qatar, Shuǵyla, Rahat, Taýsamaly, Qalqaman shaǵyn aýdandarynda, jalpy uzyndyǵy 15 shaqyrym 16 kóshede joldarǵa ortasha jóndeý júrgizildi. Osyǵan uqsas jumystardy júrgizý úshin 2024 jyly Qalalyq mobıldilik basqarmasyna uzyndyǵy 40 shaqyrym 38 kósheni ortasha jóndeýge ótinim joldandy.
Osy jyldyń basynan beri shuńqyrlardy jóndeý jumystary júrgizildi, nátıjesinde 170 kóshede 45 myń m2 jol jóndeldi. Tehnıkalyq trotýarmen kólemi 8 myń m2 asatyn 11 kóshe qamtamasyz etilgen.