Almaty ákiminiń orynbasary Muhıt Ázirbaev Óńirlik komýnıkasıalar qyzmeti alańynda megapolıste bilim berý, sport jáne demalys ınfraqurylymyn damytý týraly aıtyp berdi, dep habarlaıdy Almaty-akshamy.kz
Spıkerdiń aıtýynsha, Almatyda áli de mektepten tys tegin bilim berýmen qamtý tómen - jalpy kontıngenttiń nebári 9%-y.
«Atalǵan máseleni sheshý úshin Alataý jáne Naýryzbaı aýdandarynda eki jańa Oqýshylar saraıynyń qurylysy bastaldy. Árqaısysynyń qýattylyǵy – 675 adam. Bul nysandar qosymsha bilim berý jáne balalardyń bos ýaqytyn ótkizý baǵdarlamalaryn júzege asyrý úshin qolaıly jaǵdaı jasaýǵa múmkindik beredi», - dedi ákim orynbasary.
Balabaqshalar men mektepterdegi oryn tapshylyǵy máselesi de belsendi sheshilýde.
Muhıt Ázirbaev bıyl búdjet esebinen Naýryzbaı aýdanynyń «Qalqaman-2», Alataý aýdanynyń «Nurkent», «Mádenıet» jáne «Darhan», Túrksib aýdanynyń «Qaırat» shaǵynaýdandarynda bes mektepke, sondaı-aq №9, 48, 191 - úsh mektepke qosalqy qurylystyń salynatynyn atap ótti.
«Saıaly» jáne «Zerdeli» shaǵynaýdandarynda barlyǵy 1100 oqýshy oryndy eki mektep, sondaı-aq qalanyń alty mektebine - №59, 112, 148, 103, 65, 97 qosalqy qurylys salý josparlanǵan.
«Mektepke deıingi bilim berý nysandary boıynsha Naýryzbaı, Alataý, Áýezov, Jetisý jáne Túrksib aýdandarynda toǵyz balabaqshanyń jobalyq-smetalyq qujattamasyn daıyndaý jumystary júrgizilýde. 5 jylǵa deıingi kezeńde mektepter men balabaqshalardaǵy tapshylyqty joıý josparlanýda», - dedi ákimniń orynbasary.
Ázirbaev sport nysandaryna qatysty mynalardy habarlady.
«Alataý aýdanynda 14 kortqa arnalǵan tenıs ortalyǵynyń qurylysy aıaqtalýda. Birinshi jartyjyldyqta Alataý, Medeý jáne Túrksib aýdandarynda úsh dene shynyqtyrý-saýyqtyrý kesheni (DSK) iske qosylady. Olarǵa barý barlyq jas sanattary úshin, onyń ishinde múmkindigi shekteýli azamattar úshin qoljetimdi bolady. DSK-derinde sanatyna qaraı ámbebap sport zaldary, baseınder, trenajer zaldary, kúshtik daıyndyq, boks jáne horeografıa zaldary, ústel tenısine arnalǵan zaldar jáne shahmat klýby bolady», - dedi spıker.
Sonymen qatar, onyń aıtýynsha, Naýryzbaı, Áýezov, Almaly jáne Túrksib aýdandarynda taǵy jeti DSK jobalanýda, olardyń qurylysy jyl sońynda bastalady.