Jelilerdi qalpyna keltirý jumystary bıyl aıaqtalady.
Almaty qalalyq mobıldilik basqarmasynyń basshysy Ǵanı Myrzahanov onlaın brıfıń barysynda troleıbýs parkin modernızasıalaý týraly aıtty, dep habarlaıdy Almaty-akshamy.kz QazAqparatqa silteme jasap.
Spıkerdiń sózinshe, Almatyda troleıbýs jelilerin jańǵyrtý jumystary jalǵasyp jatyr.
«172 shaqyrym baılanys jelisi qaıta jańartyldy. 604 jańa tirek ornatyldy. Jalpy, 38 kóshede jumystar júrgizilmek. Jelilerdi qalpyna keltirý jumystary bıyl aıaqtalady», - dedi basqarma basshysy.
Sonymen qatar, ol troleıbýs parkin modernızasıalaý aıasynda 190 troleıbýs satyp alatynyn jetkizdi.
«10 qosalqy stansasyn qaıta jańǵyrtý jáne 190 troleıbýs satyp alý josparda. Eýropa qaıta qurý jáne damý bankimen (EQQDB) aldyn ala qarjylandyrý kelisimine qol qoıyldy. Bıyl 100 troleıbýs satyp alamyz. Olar jyl sońyna deıin nemese kelesi jyldyń basynda qalaǵa jetkiziledi. Qalǵan 90-y eki jyl ishinde ákelinedi»,-deıdi Ǵanı Myrzahanov.
Aıta keteıik, 2021 jyldyń tamyz aıynda Seıfýllın kóshesindegi 1-vokzaldan Raıymbek dańǵylyna deıingi troleıbýstardyń baılanys jelileri aýystyryldy.