Aýqymdy abattandyrý jumystary jalǵasyn tabady.
Almaty ákiminiń orynbasary Muhıt Ázirbaev Óńirlik komýnıkasıalar qyzmetinde ótken brıfıńte megapolısti abattandyrý jáne onda qoǵamdyq keńistikter qurý josparlary týraly aıtyp berdi, dep habarlaıdy Almaty-akshamy.kz.
«Biz qalada aýqymdy abattandyrýdy jalǵastyramyz. 2025 jylǵa deıin qoǵamdyq keńistikti damytý, onyń ishine "Jańa Almaty" aýmaǵynyń baǵdarlamasy da enedi», - dep habarlady spıker.
Onyń aıtýynsha, bıyl áýejaıdan Tuńǵysh Prezıdent saıabaǵyna deıin qoldanystaǵy kóshelerde (barlyǵy 25 km) jaıaý júrginshiler keńistigin qaıta qurý júzege asyrylady.
Al kóktemde jalpy uzyndyǵy 17 km bolatyn toǵyz kósheni qaıta qurý bastalady:
- Sátbaev-Lýganskııden Baızaqovqa deıin;
- Dostyq-Abaıdan ál-Farabıge deıin, odan ári-ál-Farabıden shekara ýchılıshesine deıin;
- Seıfýllın-Abaıdan Raıymbek dańǵylyna deıin;
- Raıymbek-Seıfýllınnen Pýshkınge deıin;
- Pýshkın-Raıymbekten Gogolge deıin;
- Músirepov – Abaıdan Tımırázevke deıin;
- Qazybek bı - Dostyqtan Kishi Almaty ózenine deıin;
- Kóktóbege baratyn jol -Omarova kóshesi boıymen Kishi Almatydan Kóktóbege kirgenge deıin;
- Shalov – Toqtabaevtan Jandosovqa deıin.
Muhıt Ázirbaev 2023 jyly qurylys-montaj jumystary bastalǵan segiz kóshe boıyna jańa jobalar ázirlenetinin habarlady:
- Saın – Abaıdan Tóle bıge deıin;
- Momyshuly – Shalápınnen Tóle bıge deıin;
- Tóle bı – Iassaýıden Sadovnıkovke deıin;
- Abaı – Jarokovtan Momyshulyna deıin;
- Súıinbaı – Raıymbekten Baým toǵaıyna deıin;
- Jandosov – Úlken Almatydan Saınǵa deıin;
- Masanchı – Sátbaevtan Qabanbaı batyrǵa deıin;
- Jarokov – Abaı dańǵylynan «Qazaqfılm» shaǵynaýdanyna deıin.
Bıyl jyl sońyna qaraı qurylysy bastalatyn: Joǵarǵy Qaskeleń tas jolynda, Almaty-Bishkek tas jolynda, Qapshaǵaı tas jolynda, İle, Qulja jáne Talǵar traktilerinde «kiretin magıstraldaryn» (qala qaqpalaryn) abattandyrý boıynsha joba ázirlenetin bolady.