Ol buryn sotty bolǵan 38 jastaǵy B.esimdi azamat.
Kúdikti ýaqytsha ustaý ızolátoryna qamaldy, dep habarlaıdy Almaty-akshamy.kz Polisia.kz-ke silteme jasap.
Jetisý aýdandyq polısıa basqarmasynyń málimetinshe, polıseıler 19 jastaǵy jasóspirimniń mopedin kúshpen tartyp alǵan qylmyskerdi qýýǵa májbúr bolǵan.
«Dálirek aıtsaq, qaskóı mopedtiń kiltin talap etip, jas jigitti tunshyqtyra bastaǵan. Oqıǵa keshki saǵat bester shamasynda Soltústik aınalma men Geologtar kósheleriniń qıylysynda oryn aldy. Tonalǵan jas jigit oqıǵa týraly dereý polısıaǵa habar berdi. Birinshi bolyp «Býran-161» patrúldik polısıasynyń ekıpajy men jedel-tergeý toby áreket etti. Olar qaskúnemdi qýa bastady. İzin sýytpaı buryn sotty bolǵan 38 jastaǵy B.esimdi azamat ustaldy. Ol óziniń úıinde qolǵa tústi. Eki dóńgelekti kólik tárkilenip, prosesýaldyq tártipte ıesine qaıtaryldy, – dedi Jetisý aýdandyq polısıa basqarmasynyń bastyǵy Darhan Musanov.
Bul derek sotqa deıingi tergeýdiń biryńǵaı tizilimine QR QK-niń 191-baby 2-bóliginiń 1-tarmaǵy boıynsha tirkeldi. Kúdikti ýaqytsha ustaý ızolátoryna qamaldy.