Brakonerler kıik múıizderin 26 qorapqa bólip salǵan.
Keshe Almaty oblysy aýmaǵynan 3 brakoner ustaldy, dep habarlaıdy Almaty-aksham.kz QazAqparatqa silteme jasap.
«28 shilde kúni saǵat 15:06 shamasynda Almaty oblysynyń quqyq qorǵaý organdary, Ulttyq qaýipsizdik komıtet jáne «Ohotzooprom» mekemesiniń ınspektorlarymen birlesken is-shara ótkizý barysynda Almaty oblysy, İle aýdanynyń aýmaǵynda úsh brakonerdi ustady. Olar: BQO, Almaty oblysy jáne Qytaı Halyq Respýblıkasynyń (QHR) týmasy. Tekserý barysynda 2 284 dana kıik múıizi tabylyp, tárkilendi», - delingen QR Ekologıa geologıa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıtetiniń habarlamasynda.
Habarlamada aıtylǵandaı, brakonerler kıik múıizderin 26 qorapqa bólip salǵan.
Qazir atalǵan faktige qatysty QR QK 339-baby 1-1-bóligi boıynsha qylmystyq is qozǵaldy. Tergeý amaldary júrip jatyr.