Qazirgi ýaqyttyń ózinde tek Almaty qalasynyń turǵyndarynda 1 mln-nan astam nesıeleri bar.
QR Qarjy mınıstrligi elimizdiń nesıeleri, salyq qaryzdary men komýnaldyq tólemderden qaryzdary eń joǵary jáne kóp shoǵyrlanǵan oblys ortalyqtary men qalalarynda azamattardyń bankrottyǵy týraly zań jobasyna baılanysty túsindirý jumystaryn júrgizýde, dep habarlaıdy Almaty-akshamy.kz
Qazirgi ýaqyttyń ózinde tek Almaty qalasynyń turǵyndarynda 1 mln-nan astam nesıeleri bar. Onyń ishinde 451 myńnan astam azamatta 90 kúnnen astam ýaqyt tólenbegen nesıeleri qordalanǵan. Sondyqtan azamattardyń bankrottyǵyn jarıalaý týraly rásimder qyzyǵýshylyq tanytary sózsiz.
2022 jylǵy 17 tamyzda Almaty qalasynda QR QM Memlekettik kirister komıtetiniń konferensıasy ótti, onyń sheńberinde "Qazaqstan Respýblıkasy azamattarynyń tólem qabilettiligin qalpyna keltirý jáne bankrottyǵy týraly» zań jobasynyń (zań jobasy) máseleleri talqylandy.
Sharaǵa qatysqan 200 qatysýshynyń ishinde: jeke tulǵalar, qarjylyq keńesshiler, ákimshiler jáne múddeli memlekettik organdar men bankterdiń ókilderi boldy.
Kezdesý barysynda spıkerler búgingi tańda Parlament Májilisiniń qaraýynda jatqan zań jobasynyń negizgi erejelerin túsindirdi.
Olar, sondaı-aq halyqaralyq tájirıbeni eskere otyryp, 3 túrli rásimderdi engizýdi qarastyratynyn atap ótti.
Birinshi rásim: sottan tys bankrottyq, ony azamattar kelesi jaǵdaılarda qoldana alady:
bankter, mıkroqarjy uıymdary (MQU) jáne kolektorlar aldyndaǵy borysh, borysh somasy 4,9 mln. teńgeden (1600 AEK) aspaýy tıis;
resmı tabys joq nemese tabysy eń tómen kúnkóris deńgeıinen aspasa (onyń ishinde asyraýyndaǵy adamdar (otbasy músheleri) da qosa esepteledi, ol adam basyna 36018 teńgeni quraıdy.
Bul rette boryshkerdiń múlki bolmaýǵa tıis jáne bankpen boryshtar boıynsha retteý rásimin júrgizý qajet.
Sottan tys bankrottyqty tek bankter, MQU jáne kolektorlyq agenttikter aldyndaǵy qaryzdar boıynsha qoldanýǵa bolady.
Ekinshi rásim: sot bankrottyǵyn azamattar 4,9 mln.teńgeden astam qaryzdar boıynsha jáne boryshtyń qalǵan túrleri boıynsha qoldana alady.
Osy rásim barysynda boryshkerdiń múlki bolǵan jaǵdaıda, ol saýda-sattyqta ótkizilýge jatady.
Túsken qarajat belgilengen kezektilikke sáıkes kredıtorlar aldyndaǵy boryshtardy óteýge jiberiledi.
Úshinshi rásim, bul turaqty tabys bolǵan jaǵdaıda, sotta qaryzdardy tóleýge (5 jylǵa deıin) bólip-bólip tóleý múmkindigin kózdeıtin tólem qabilettiligin qalpyna keltirý rásimi. Qalpyna keltirý jospary qarjy basqarýshysymen birlesip ázirlenedi jáne sotta bekitiledi. Ol úshin eki taraptyń (boryshker men kredıtordyń) kelisimi qajet.
Sondaı-aq, komıtet ókilderi bankrottyqtan keıingi saldary týraly aıtty:
1) jobada 5 jyl ishinde qaryzdar men kredıtter alýǵa shekteý kózdelgen;
2) azamattar bankrottyqty 7 jyldan keıin ǵana qaıta qoldana alady;
3) bankrottyqtan keıin 3 jyl ishinde bankrottyń qarjylyq jaǵdaıyna monıtorıń júrgizý kózdelgen
Sondaı-aq, jobada azamattardyń bankrot dep tanylǵan kúnnen bastap bir jyl ishinde qarjylyq saýattylyqty arttyrý kýrstarynan mindetti túrde ótýi kózdelgen.
İs-shara sońynda lektorlar konferensıa qatysýshylarynyń barlyq suraqtaryna jaýap berdi. Azamattardyń usynystary zań jobasyna baılanysty Májilistegi aldaǵy talqylaý barysynda qarastyrylady.
Sonymen qatar, osy aptanyń sońyna deıin osyndaı is-sharalar Taldyqorǵan (18 tamyz) jáne Túrkistan (19 tamyz) qalalarynda ótedi.