Bıyl osy maqsattarǵa búdjetten 83,8 mlrd teńge bólindi.
2022 jylǵy 1 tamyzdaǵy jaǵdaı boıynsha, 121,1 myń otbasyndaǵy 622,6 myń adamǵa ataýly áleýmettik kómek (budan ári – AÁK) taǵaıyndaldy, dep habarlaıdy Almaty-akshamy.kz.
AÁK otbasynyń árbir múshesine jan basyna shaqqandaǵy ortasha tabysy óńirlik eń tómengi kúnkóris deńgeıiniń 70%-ynan tómen azamattarǵa taǵaıyndalady.
Budan basqa, AÁK kórsetýdiń jańa tetigin iske asyrý sheńberinde elimizdiń barlyq óńirinde tabysy az otbasylardyń mektep jasyna deıingi balalaryn kepildik berilgen áleýmettik toptamamen (budan ári – áleýmettik toptama) qamtamasyz etý boıynsha jumys júrgizilýde.
2022 jylǵy 1 tamyzda AÁK alýshylar qataryndaǵy 1 jastan 6 jasqa deıingi 169,5 myń bala azyq-túlik jáne turmystyq hımıa jıyntyǵy túrinde áleýmettik toptama taǵaıyndaldy.
Esterińizge sala keteıik, bıyl qańtar aıyndaǵy TJ rejımine baılanysty 2021 jyldyń 4 toqsanynda AÁK alǵan azamattarǵa tólemder 2022 jyldyń 1 toqsanyna avtomatty túrde uzartyldy. Bul rette jańa alýshylarǵa elektrondyq úkimet portaly arqyly ataýly áleýmettik kómek taǵaıyndaýǵa ótinish berý múmkindigi berildi.
Qazirgi ýaqytta qazaqstandyqtar AÁK taǵaıyndaýǵa ótinishti turǵylyqty jeri boıynsha jumyspen qamtý ortalyǵynda, sondaı-aq egov.kz elektrondyq úkimet portaly arqyly bere alady.