Jalpy, elimiz boıynsha keńse taýarlary bir jylda 12,3%-ǵa qymbattady.
Birqatar óńirde baǵa 30%-dan astam ósken, dep habarlaıdy Almaty-akshamy.kz Energyprom.kz-ke silteme jasap.
Óńirler arasynda qymbatshylyq, ásirese, Túrkistan oblysynda (50,1%) qatty sezilip tur. Atyraý (31,1%) men Aqmola (14,7%) oblystary, Almaty qalasynda da (14,5%) baǵa edáýir ósken.
Eń tómen jyldyq ósim Jambyl oblysynda tirkeldi: nebári 1,2%.
Mysaly, sýret salýǵa arnalǵan álbom bir jyl ishinde 14,1%-ǵa, qalamdar 13,2%-ǵa, túrli-tústi qaryndashtar jıyntyǵy 12,1%-ǵa, dápterler 12%-ǵa, A4 qaǵazy 10,6%-ǵa qymbattaǵan.
Jalpy, bıyl shilde aıynda bilim berý qyzmetteriniń baǵasy 11,5%-ǵa kóterildi. Sonyń ishinde mektepke deıingi bilim berý qyzmetteriniń baǵasy bir jylda 7,1%-ǵa, orta bilim 6,8%-ǵa, kásiptik orta bilim 11,7%-ǵa, joǵary bilim — 17,7%-ǵa, eresekterge arnalǵan bilim 10,7%-ǵa ósti.
Óńirler arasynda baǵanyń eń joǵary ósimi Atyraý (50%), Pavlodar (19,4%) jáne Shyǵys Qazaqstan (19,1%) oblystarynda baıqalyp otyr.