Qalamyzdyń turǵyndary bir táýlikte 11 myńnan astam vaksına alǵan.
Almatyda vaksına alatyn adamdardyń táýliktik kórsetkishi aıtarlyqtaı ósti, dep habarlaıdy Almaty-akshamy.kz Almaty.tv arnasyna silteme jasap.
24 saǵat ishinde 11 myńnan astam azamat ekpe saldyrǵan. Vaksına alǵandardyń jalpy sany 433 000-nan asty, megapolıs vaksınasıa deńgeıi boıynsha áli de kósh bastap tur. Medısına qyzmetkerleriniń aıtýynsha, ekpe saldyrýshylardyń kóbisi jastar.
«Búgin tańerteń 100-ge jýyq adamǵa vaksına egildi. Biz vaksınasıaǵa adamdardyń óte belsendi túrde kele bastaǵanyn kórip otyrmyz. Bul pandemıany tek ujymdyq ımýnıteti qana toqtatady dep oılaımyn», - deıdi №30 qalalyq emhananyń bas medbıkesi Gúlim Sadaqbaeva.
Qarapaıym qala turǵyndary da dárigerlerdiń pikirimen kelisedi. Almatylyqtar vaksınasıa ınfeksıanyń taralýyn toqtatýǵa jáne karantındik shekteýlerdi joıýǵa kómektesedi dep sanaıdy.
«Meniń aınalamdaǵylardyń barlyǵy vaksına aldy, olarǵa eshqandaı janama áseri bolǵan joq jáne, meniń oıymsha, adamdar karantınnen sharshady. Biz vaksınany tezirek alsaq, eldegi jaǵdaı tezirek jaqsarady», - deıdi qala turǵyny Elen Koıgeldına.
«Árıne, men burynǵy ómirime, ıaǵnı maskasyz júretin kezge qaıta oralǵym keledi. Sebebi qazirgideı ystyq kúnde maskamen júrý qolaısyzdyq týdyrady», - deıdi Almaty qalasynyń turǵyny Janel Orasheva.