– Osydan tura bir aı buryn ekpeniń birinshi dozasyn aldym. Jas bolǵandyqtan, kishkene qoryqtym. Sebebi ózimniń densaýlyǵymnyń jaqsy ekendigine, vırýsty juqtyrmaıtynyma senimdi boldym. Alaıda, jaqyn aralasatyn qurby-qurdastarymnyń aýyryp, emhanalardyń tabanyn tozdyrǵanyn kórip, indettiń adam talǵamaıtynyna kózim jetti.
Vırýstan ózimdi, ata-anamdy, baýyrlarymdy saqtaý úshin kúndelikti ómirde betperde taǵyp, qolymyzdy tazalap jýyp otyramyn. Elimizdegi karantındik talaptarǵa baılanysty, oqýdyń barlyq túri onlaın túrge aýysty.
Bul saıyp kelgende stýdentter men oqýshylardyń amandyǵy úshin kerek boldy. Biraq, burynǵydaı dástúrli oqý bolmaǵandyqtan, bilimdi jetkilikti deńgeıde aldyq dep aıta almaımyn. Menińshe, ár adam óz ómiriniń qojaıyny, ekpe alsaq, densaýlyǵymyzdy qorǵaǵanymyz.
Ekpesiz júrý - indetke qarsy kúreske qarýsyz shyqqanyń dep oılaımyn.