Daryn Saıynov «Almaty – adamdar úshin jahandyq qala» baǵdarlamasyna pikirin bildirdi.
Qala turǵyndary baǵdarlamamen tanysyp, óz usynysyn «Almatyny damytý ortalyǵynyń» saıtynda 2022 jyldyń 1 shildesine deıin qaldyra alady.
Almaty ákimdigi «Almaty – adamdar úshin jahandyq qala» baǵdarlamasyn ázirledi, onda megapolısti 2025 jylǵa deıin damytýdyń negizgi basymdyqtary men 2030 jylǵa deıingi orta merzimdi perspektıvalar kórsetilgen. Qala turǵyndary baǵdarlamamen tanysyp, óz usynysyn «Almatyny damytý ortalyǵynyń» saıtynda 2022 jyldyń 1 shildesine deıin qaldyra alady. «Almatynyń jyl muǵalimi» baıqaýynyń 1-oryn ıegeri atanǵan ustaz Daryn Saıynov ta pikir bildirdi, dep habarlaıdy Almaty-akshamy.kz.
Ol óz sózinde qala ákiminiń bilim berý salasyna erekshe nazar aýdaryp otyrǵanyn jetkizdi.
«Mektep salý, olardyń sapasyn kóterý, fýnksıonaldy saýattylyqty arttyrý. Mekteptegi ákimshilik qyzmetkerler men muǵalimderdi oqytý baǵdarlamasyn engizýge oń qaramaımyn. Sondaı-aq maǵan 30 ınovasıalyq baǵdarlama unap tur. Osy negizde 4 zamanýaı ortalyq qurylady. Aldaǵy ýaqytta olardyń sany artady dep senemin. PISA baǵalaý júıesine mán bergende durys. Óıtkeni ol halyqaralyq baǵalaý júıesi. 2030 jylǵa deıin 5 oqý ornynyń bazasyna tanymal halyqaralyq mektepterdi brendimen jáne basqarýmen álemdik mektepter qurý degen usynys óte jaqsy. Endi bul jaǵdaıdyń basty sheshimi mektepterdegi balalar sanyn azaıtý dep oılaımyn. Taǵy da aıtatyn bolsaq, mektep avtobýsy baǵdarlamasy qatty unap tur. Jalpy qala ákimi bilim berý salasyna qatty mán berip jatyr», – dedi Daryn Saıynov.