Balalar oınap, kóńildi jáne qyzyqty ýaqyt ótkizdi.
Almaty polıseıleri qyzmet barysynda qaza tapqan áriptesteriniń balalaryna jazǵy demalys uıymdastyrdy, dep habarlaıdy Almaty-akshamy.kz Polisia.kz-ke silteme jasap.
Qyzmettik mindetterin oryndaý kezinde qaza tapqan nemese zardap shekkenderdiń otbasylarynyń balalaryna polısıa qyzmetkerleri akvaparkke saıahat uıymdastyrdy.
«Balalar oınap, kóńildi jáne qyzyqty ýaqyt ótkizdi. Olar ekstremaldy syrǵanaqtarmen syrǵanady, úlken baseın eshkimdi beıjaı qaldyrmady, eń kishkentaılarǵa akvaparkte eki baseıni bar arnaıy aımaq bar. Kóńilge jylylyq syılaǵan is-shara barysynda balalar zor qýanyshqa keneldi», – dedi Almaty qalalyq polısıa departamenti bastyǵynyń orynbasary Oljas Myrzabekov.
Óz kezeginde, Almaty polısıasynyń basshylyǵy «Álemniń segizinshi keremeti» akvaparkiniń jáne «Altyn – Taraz» TFK JSHS ujymyna usynǵan demalysy, iltıpaty men meıirimdiligi úshin úlken alǵysyn bildirdi. Olardyń merekesine eshnárse kóleńke túsirmes úshin 30-dan astam balany 20-dan astam eresek adam ertip júrdi.