Kezdesýde álemdik energetıka naryǵyndaǵy jaǵdaı týraly pikir almasty.
Qasym-Jomart Toqaev «Shevron» kompanıasynyń dırektorlar keńesiniń tóraǵasy jáne bas atqarýshy dırektory Maıkl Ýırtti qabyldady, dep habarlaıdy Almaty-akshamy.kz Aqordaǵa silteme jasap.
Kezdesýde «Shevron» kompanıasynyń Qazaqstanmen aldaǵy ózara is-áreketiniń negizgi aspektileri jáne birqatar ınvestısıalyq jobalardy júzege asyrý máseleleri talqylandy. Memleket basshysy men Maıkl Ýırt álemdik energetıka naryǵyndaǵy jaǵdaı týraly pikir almasty.
Prezıdent «Teńizshevroıl» kompanıasynyń qosymsha 2,6 mıllıard tekshe metr gazdy ishki naryqqa baǵyttaý týraly sheshimin quptady.
Sonymen qatar «Shevron» kompanıasynyń munaı-hımıa salasyndaǵy ınvestısıalyq jobalardy júzege asyrýǵa qatysý perspektıvalary men Qarashyǵanaq ken ornynyń óndiris qýatyn odan ári keńeıtýdiń jospary qarastyryldy.