44 jastaǵy Elena Borodúk endi 7 ul men 7 qyzdyń anasy
Alǵys aıtý kúni qarsańynda qalalyq perınataldy ortalyqtan úıine shyqqan Elena Borodúk - qazir 7 ul, 7 qyzdyń anasy. «Balalarymnyń bárin esh qıyndyqsyz, ózim dúnıege ákeldim» degen ana dárigerlerge alǵysyn bildirdi, dep habarlaıdy Almaty-akshamy.kz Almaty.tv saıtyna silteme jasap.
«Qudaıdyń bergenin qýana qabyldaımyz, árıne. Sondyqtan úlken otbasy bolyp otyrmyz. Qazir tuńǵyshymnyń ózi áke atanýǵa daıyndalyp júr. Ne bolsa da, bastysy, basymyz aman bolsyn!» - deıdi qala turǵyny Elena Borodúk.
«Báriniń sátti bolǵany qýantady. Ýaıymdadyq, ekeýiniń de densaýlyǵyna alańdadyq. On tórtinshi balam ǵoı. Qudaıdan «Eń bastysy, deni saý bala ber gór» dep suradyq», - deıdi kóp balaly áke Pavel Borodúk.
Mamandardyń aıtýynsha, sábı boıy 55 sm, al salmaǵy 4 keliden asyp dúnıege kelgen. Qazir ananyń da, balanyń da densaýlyǵy birqalypty.
«Joǵarǵy toptaǵy qaýip-qaterdegi qan ketý bolǵandyqtan, búkil ujym bolyp atsalysyp, on tórtinshi balasyn, qyz balasyn aman-esen dúnıege alyp keldi. Salmaǵy 4 keliden astam qyz bala dúnıege keldi», - dedi qalalyq perınataldyq ortalyǵy bas dırektorynyń orynbasary Jámıla Isaeva.