1 naýryzda Nur Otan partıasynyń kezekten tys XXII sezi ótti.
Qazaqstan halqy Assambleıasy Qoǵamdyq kelisim keńesiniń tóraǵasy Ahmetjan Shardınov Nur Otan partıasynyń jańǵyrtý baǵdarlamasyn qoldaıdy, dep habarlaıdy Almaty-akshamy.kz
Qazaqstan Prezıdenti Nur Otan partıasynyń kezekten tys sezinde sóılegen sózinde Qazaqstan Respýblıkasy Májilisiniń spıkeri Erlan Qoshanovtyń saıası uıymnyń ataýyn «Amanat» dep ózgertý týraly usynysyn qoldady.
«Búgingi partıa sezin men óte mańyzdy dep sanaımyn. Memleket basshysy Qasym-Jomart Toqaev partıanyń atyn ózgertýden bastap, onyń jumysyn tolyǵymen qaıta bastaýdyń negizgi mindetterin jarıalady. «Amanat» – bul ata-baba kelisimin bildiredi. Maǵynasy tereń óte mańyzdy sóz. Tarıhı tamyrymyzdy, ata-babalarymyzdyń bizge ósıet etkenin este saqtaı otyryp, damýymyz kerek ekendiginiń belgisi. Eń aldymen, beıbitshilik pen kelisimde ómir súrý, quqyqtyq memleket qurý jáne halyqtyń muń-muqtajyn birinshi orynǵa qoıý», - dedi Ahmetjan Shardınov.
Ol partıanyń jańǵyrtý baǵdarlamasy halyq senimin tyń bastamalar arqyly qaıtaratyn naqty qadamdar ekenine senim bildirdi.
«Partıa eń aldymen Qazaqstan halqyna qyzmet etýi kerek. El Prezıdenti onyń jumysyn qaıta qurý boıynsha birqatar mańyzdy mindetter qoıdy. Saıası keńestiń jańa músheleri saılandy. Bulardyń el ıgiligi úshin kóp is atqaratyn, elge syıly azamattar ekenine men senimdimin. Partıanyń jumysy tolyǵymen qaıta qaralady. Memleket basshysy búrokratıa men qaǵazbastylyqtan bas tartý kerektigin qadap aıtty. Oblystyq fılıaldar men bastaýysh uıymdar saılaýshylarmen óz betinshe jumys isteı alady jáne jumys isteýi kerek. Ortalyq apparat dırektıvalyq jáne qolmen basqarý tájirıbesin toqtatýy kerek. Onyń mindeti – jalpypartıalyq vektordy belgileý, ádistemelik jáne ıdeologıalyq qamtamasyz etý, kadrlardy daıyndaý, júıeli problemalardy taldaý. Meniń oıymsha, mundaı qaıta qurýlar óte der kezinde jasalǵan jáne elge óte qajet. Men Prezıdentimizdiń barlyq sheshimderin tolyq qoldaımyn», - dep qosty Ahmetjan Shardınov.
Qazaqstan Respýblıkasynyń Prezıdenti Qasym-Jomart Toqaevtyń bılik partıasynyń kezekten tys sezinde sóılegen sóziniń qazaq tilindegi mátinin myna jerden oqýǵa bolady.