Almaty polısıasynda keptelis máselesi qalaı sheshilip jatqany aıtyldy.
Almaty qalasynyń bas polıseıi Arystanǵanı Zapparov qala turǵyndary aldynda esep bergende, ońtústik astanada jol qaýipsizdigi qala turǵyndary men qonaqtarynyń jaıly ári qaýipsiz ómir súrýiniń mańyzdy faktory ekenin aıtty, dep habarlaıdy Almaty-akshamy.kz Polisia.kz-ke cilteme jasap.
«Qarbalas ýaqytta biz negizgi magıstraldyq kóshelerdi qolmen basqarýǵa aýystyramyz, qyzmetkerlerge qosymsha oqytý júrgizemiz, basqa kólikterdiń ótýin shekteıtin jáne taryltatyn kólik quraldaryn ózdiginen turaqqa qoıyp ketetin oryndarynda aldyn alý sharalaryn júrgizemiz. Sondaı-aq jol-kólik oqıǵalaryn, jol-kólik jaraqattary men adam ólimin azaıtý maqsatynda kún saıyn jol-kólik oqıǵalaryna taldaý júrgizemiz, sonyń negizinde qaýipti aımaqtar patrúldeý arqyly kúsheıtiledi, qalalyq mobıldilik basqarmasymen birlesip, jol ınfraqurylymy jetildirilip jatyr», – dedi Arystanǵanı Zapparov.
2022 jyly Almaty joldarynda 1 mln 348 myń 981 JQE buzý anyqtaldy. Sot úkimimen 3630 júrgizýshi kólik júrgizý quqyǵynan aıyryldy. 2610 júrgizýshi ákimshilik qamaýǵa alyndy. Qaýipti júrgizýshilerdi anyqtaýdyń tıimdi quraly – “Qorǵaý – Qaýipti júrgizýshi” júıesi. Ol jalǵan nómirli kólikterdi, kólik júrgizý quqyǵynan aıyrylǵan júrgizýshilerdi, qylmystyq kólikterdi, aıyppul tólemeıtinderdi jáne taǵy basqalardy avtomatty túrde anyqtaıdy.