Bul daıyn ónimniń baǵasyna oń áser etedi.
Bıyl 30 naýryzda Eýrazıalyq ekonomıkalyq komısıa (EEK) keńesiniń otyrysynda qatysýshylar Qazaqstanǵa shıki qantty baj salyǵynsyz ákelý usynysyn qoldady, dep habarlaıdy Almaty-akshamy.kz Saýda jáne ıntegrasıa mınıstrliginiń baspasóz qyzmetine silteme jasap.
Tarıftik jeńildiktiń arqasynda otandyq qant zaýyttary óz qýattylyǵyn júkteý úshin baj salyǵyn tólemeı, shıkizat satyp alýǵa múmkindik alady.
Onlaın ótken jıynda qazaqstandyq tarapty Premer-Mınıstrdiń orynbasary – Saýda jáne ıntegrasıa mınıstriniń mindetin atqarýshy Serik Jumanǵarın basqardy.
«Ótken jyldardaǵy tájirıbe kórsetkendeı, qazaqstandyq naryqtyń 90%-yna qant kórshi elderden jetkiziledi ári ónimdi jetkizý máselesi túrli faktorlarǵa ushyraıdy jáne turaqsyz. Sondyqtan elimiz óziniń qant ónerkásibin damytý týraly sheshim qabyldady. Qazir óz shıkizatymyzdyń bolmaýyna baılanysty Qazaqstanǵa úshinshi elderden shıkizat jetkizý kerek», - dedi Saýda jáne ıntegrasıa vıse-mınıstri Janel Kýshýkova.
EEK keńesinde bekitilgen shıkizatty baj salyǵynsyz ákelýge arnalǵan tarıftik kvota bıyl 9 aıda 350 myń tonna bolady. Taraptar kúzde osy máseleni qaıta talqylap, kvota kólemin qaıta qaraýǵa ýaǵdalasty.
Byltyr Qazaqstanda qant zaýyttary 283 myń tonna qant (33 myń tonna qyzylsha, 249,9 myń tonna qant quraǵy) óndirdi. Zaýyttardyń júktemesi 50% boldy. 2023 jylǵy qańtar-aqpanda 51,5 myń tonna qant óndirilip, onyń 40,4 myń tonnasy ımporttaldy.
Búginde «Aınalym sqemasy» aıasynda oblys ákimdikteri qant zaýyttaryna shıkizatty ýaqtyly satyp alý, ishki tutyný úshin jetkilikti kólemde jáne turaqty baǵamen qant óndirý úshin 18 mlrd teńge bólindi.